Examinada a solicitude de inscrición no Rexistro de Entidades de Promoción do Camiño de Santiago, presentada pola Mancomunidade de Concellos Galegos do Camiño Francés, de data 5 de novembro de 2001.

Visto o Decreto 45/2001, do 1 de febreiro, de refundición da normativa en materia do Camiño de Santiago.

Visto igualmente o informe da Xerencia de Promoción do Camiño de Santiago, emitido de acordo co artigo 23 do mencionado decreto.

Considerando que a solicitude presentada cumpre as normas establecidas no decreto de referencia,

RESOLVO:

Que a Mancomunidade de Concellos Galegos do Camiño Francés quede inscrita no Rexistro de Entidades de Promoción do Camiño de Santiago co número 137.

Santiago de Compostela, 5 de febreiro de 2002.

Andrés González Murga

Secretario xeral da Consellería de Cultura,

Comunicación Social e Turismo