Por orde da Consellería de Educación e Ordenación Universitaria do 6 de marzo de 2002, convocáronse axudas a alumnos e profesores de centros docentes da Comunidade Autónoma de Galicia sostidos con fondos públicos, que participen en estadías en empresas de ámbito transnacional (cofinanciadas polo Fondo Social Europeo).
Vista a proposta da comisión de selección prevista no artigo noveno da citada orde,
RESOLVO:
Primeiro.-Conceder, con cargo ó concepto orzamentario 07.04.322S.481.0 da Dirección Xeral de Ordenación Educativa e Formación Profesional, as axudas que se relacionan no anexo I, correspondentes ó primeiro e ó segundo prazo.
Segundo.-De acordo co artigo décimo primeiro as axudas serán aboadas da seguinte forma:
Para as axudas que non superen o importe de 6.000 euros, no momento da concesión poderá acordarse un anticipo de pagamento de ata un 80%, logo da aceptación da subvención. O 20% restante librarase unha vez finalizada a actividade e despois da súa completa xustificación económica por parte do centro e entrega da memoria de actividades, xuntando certificación respecto da percepción ou non doutras axudas e subvencións para a mesma finalidade, para efectos do disposto no artigo 78.3º da Lei 11/1992, do 7 de outubro, de réxime financeiro e orzamentario de Galicia. Nas axudas que superen esta cantidade o pagamento realizarase integramente unha vez finalizada e xustificada a actividade.
Terceiro.-De acordo coa normativa vixente, os beneficiarios quedarán obrigados a:
1. Acepta-la axuda concedida. Neste sentido, se no prazo de quince días, contados a partir do da
recepción da comunicación pola que se notifica a concesión da axuda, o centro beneficiario non a acepta, entenderase que renuncia á súa percepción.
2. Facilita-la información requirida e someterse ás accións de comprobación ou control financeiro que poida efectua-la Consellería de Educación e Ordenación Universitaria e os organismos competentes.
3. Xustifica-lo correcto investimento das axudas recibidas, mediante a presentación da seguinte documentación:
Unha vez efectuada a viaxe, o centro docente, como entidade colaboradora da xestión de axudas públicas, deberá, de acordo co establecido no artigo 15 do Decreto 287/2000, do 21 de novembro, tramita-la seguinte documentación no prazo máximo dun mes:
1. Certificación do consello escolar do centro aprobatoria das contas, xuntando unha relación dos gastos efectuados e copia compulsada das facturas.
2. Certificación de ter ou non ter subvención ou axuda para a mesma finalidade procedente de calquera outra administración ou ente público.
3. Certificación do director do centro na que se faga consta-la empresa ou centro de acollida e as datas exactas de duración da estadía, o nome e número do DNI dos alumnos e/ou dos profesores participantes, indicando neste caso se é coordinador ou participante na estadía.
4. Xustificación da totalidade do custo da viaxe de acordo cos datos indicados no orzamento inicial. O importe da subvención nunca poderá superar illadamente ou en concorrencia con subvencións ou axudas doutras administracións públicas ou doutros entes públicos ou privados, nacionais ou internacionais, o custo da actividade que vai desenvolve-lo beneficiario ou, se é o caso, a porcentaxe máxima do investimento subvencionable que legalmente se estableza. No caso de que o custo final sexa inferior ó inicialmente previsto deberase minora-la axuda concedida en proporción á axuda xustificada.
5. Memoria do traballo realizado durante a estadía no país de acollida que incluirá os seguintes datos:
5.1. Visitas preparatorias. Obxectivos acadados de cara á realización do proxecto, incluíndo un breve resumo deste: descrición, datas de realización, etc.
5.2. Estadías de alumnos. Programación e avaliación das actividades realizadas na estadía con descricións de procesos productivos, tecnoloxías utilizadas, posibilidade de realización doutras estadías e aspectos positivos e negativos que hai que considerar.
5.3. Estadías de profesores. Certificación da empresa ou centro de acollida na que se indiquen as datas e as características da estadía realizada. Memoria do traballo individual desenvolvido, no que se farán constar, entre outros, os seguintes aspectos:
a) Descrición do proceso productivo. Perfís profesionais que participan, diferenciados segundo os niveis de cualificación.
b) Realizacións máis significativas de cada perfil profesional.
c) Tecnoloxías utilizadas e a súa presencia no equipamento de cada ciclo formativo (valoración da súa necesidade ou conveniencia de incorporalo).
d) Cambios que se prevén no sistema productivo (evolución da competencia profesional).
e) Programa de formación en centros de traballo que se podería realizar nesa empresa e nos diferentes ciclos formativos da súa familia profesional.
f) Posible formación do profesorado que podería desenvolve-la empresa ou traballadores que poderían colaborar no plan de formación do profesorado de formación profesional específica.
g) Valoración da estadía de formación: aspectos positivos e aspectos que se deben mellorar.
Os proxectos e traballos realizados polos centros seleccionados quedarán en poder da Dirección Xeral de Ordenación Educativa e Formación Profesional reservándose o dereito de difundi-los traballos realizados en función da súa orixinalidade e pasando a formar parte dos fondos documentais da Consellería de Educación e Ordenación Universitaria.
Cuarto.-De acordo co establecido no Regulamento (CE) nº 1159/2000, da comisión, do 30 de maio de 2000 (DO L 130/30 do 31 de maio), os centros colaboradores que figuran no anexo I tomarán as medidas oportunas para informa-los alumnos e profesores que van realiza-las estadías formativas en empresas que as axudas están financiadas nun 65% polo Fondo Social Europeo.
Quinto.-Contra a presente resolución os interesados poderán interpoñer recurso potestativo de reposición no prazo dun mes, contado a partir do día seguinte ó da súa publicación no DOG, segundo o disposto nos artigos 116 e 117 da Lei 4/1999 (BOE do 14 de xaneiro), ou ben directamente o recurso contencioso-administrativo no prazo de dous meses ante o Tribunal Superior de Xustiza de Galicia.
Santiago de Compostela, 27 de xuño de 2002.
Celso Currás Fernández
Conselleiro de Educación e Ordenación
Universitaria
ANEXO I
PROXECTOS APROBADOS NO PRIMEIRO PRAZO DE PRESENTACIÓN DE SOLICITUDES
CENTRO ESCOLAR TIPO ACCIÓN TÍTULO PROXECTO PROFE. ALUM. PAÍS DESTINO CONCEDIDA
NÚMERO
NÚMERO
AXUDA
DINAMARCA,
ALEMAÑA
IES VILAMARÍN ESTADÍA PROFESORES STAGE DE FORMACIÓN 1 0 FRANCIA 850
IES RIBEIRA DO LOURO ESTADÍA PROFESORES ESTADÍA 1 0 EE.UU. 1.375
IES HOSTELERÍA CARLOS OROZA ESTADÍA PROFESORES ESTADÍA FORMATIVA EN POITIERS 2 0 FRANCIA 1.430
IES HOSTELERÍA CARLOS OROZA ESTADÍA PROFESORES THE BEGINNING OF A COLLABORATION 1 0 REINO UNIDO 925
IES HOSTELERÍA CARLOS OROZA ESTADÍA ALUMNOS ESTADÍA ALUMNOS HOSTEL.-TURISMO FUTUROSCOPE 0 5 FRANCIA 3.875
IES PASEO DAS PONTES ESTADÍA ALUMNOS FORMACIÓN EN CENTROS DE TRABAJO TEXTILES 0 2 FINLANDIA 2.550
IES RIBEIRA DO LOURO ESTADÍA ALUMNOS ESTANCIA FORMATIVA EN IRLANDA 0 5 IRLANDA 5.875
IES RIBEIRA DO LOURO ESTADÍA ALUMNOS EL COMERCIO INTERNACIONAL EE.UU.-U.E. 0 6 EE.UU. 10.050
IES RIBEIRA DO LOURO ESTADÍA ALUMNOS ESTANCIA FORMATIVA EN MALTA 0 3 MALTA 3.525
IES RIBEIRA DO LOURO ESTADÍA ALUMNOS ESTANCIA EN EMPRESAS DE DINAMARCA, ALEMANIA E PORTUGAL 0 7 PORTUGAL,
6.295
IES RIBEIRA DO LOURO VISITA PREPARATORIA VISITA PREPA. A BRIGHAM YOUNG UNIVERSITY-UTAH 1 0 EE.UU. 1.250
IES PASEO DAS PONTES VISITA PREPARATORIA FORMACIÓN EN CENTROS DE TRABAJO TEXTILES 2 1 0 FINLANDIA 950
IES HOSTELERÍA CARLOS OROZA VISITA PREPARATORIA VIAXE PREP. Ó LYCEE PROSSIONNEL HOTELIER DE POITIERS 1 0 FRANCIA 650
IES CHAN DO MONTE ESTADÍA ALUMNOS ESTADÍAS FORMATIVAS EN IRLANDA 0 4 IRLANDA 4.700
IES CHAN DO MONTE ESTADÍA ALUMNOS ESTADÍAS FORMATIVAS EN IRLANDA 0 4 IRLANDA 4.700
IES CHAN DO MONTE ESTADÍA ALUMNOS ESTADÍAS FORMATIVAS EN IRLANDA 0 4 IRLANDA 4.700
IES CHAN DO MONTE ESTADÍA ALUMNOS ESTADÍAS FORMATIVAS EN IRLANDA 0 4 IRLANDA 4.700
PROXECTOS DENEGADOS NO PRIMEIRO PRAZO DE PRESENTACIÓN DE SOLICITUDES POR NON AXUSTARSE Á CONVOCATORIA
CENTRO ESCOLAR TIPO ACCIÓN TÍTULO PROXECTO PROFE. ALUM. PAÍS DESTINO CONCEDIDA
NÚMERO
NÚMERO
AXUDA
IES HOSTELERÍA CARLOS OROZA VISITA PREPARATORIA VISITA PREPARATORIA O WENTWORTH CLUB LIMITED 1 0 REINO UNIDO 0
PROXECTOS APROBADOS NO SEGUNDO PRAZO DE PRESENTACIÓN DE SOLICITUDES
CENTRO ESCOLAR TIPO ACCIÓN TÍTULO PROXECTO PROFE. ALUM. PAÍS DESTINO CONCEDIDA
NÚMERO
NÚMERO
AXUDA
IES LUIS SEOANE ESTADÍA ALUMNOS ILUSEEL 0 5 MALTA 6.625
IES LUIS SEOANE ESTADÍA ALUMNOS COOPERACION ILUSEHES 0 4 ALEMAÑA 5.300
E.A. MESTRE MATEO ESTADÍA ALUMNOS STONECARVING TECHNIQUES AND STONEMASONRY SKILLS IN EUROPE 0 5 ALEMAÑA, DINAMARCA 5.075
E.A. MESTRE MATEO ESTADÍA PROFESORES STONEMASONRY SKILLS IN EUROPE 1 0 ALEMAÑA 925
E.A. ANTONIO FAÍLDE ESTADÍA ALUMNOS ESTADÍA 0 4 FINLANDIA 4.300
IES PONTEPEDRIÑA ESTADÍA ALUMNOS ESTADÍAS EN EMPRESAS DE ÁMBITO INTERNACIONAL 0 8 REINO UNIDO 9.000
IES PONTEPEDRIÑA VISITA PREPARATORIA ESTADÍAS EN EMPRESAS DE ÁMBITO INTERNACIONAL 1 0 REINO UNIDO 800
IES ILLA DE SARÓN VISITA PREPARATORIA REALIZACIÓN DA FORMACIÓN EN CENTROS DE TRABALLO NO ESTRANXEIRO 1 0 NORUEGA 950
IES TEIS VISITA PREPARATORIA VISITA PREPARATORIA 1 0 IRLANDA 850
IES TEIS VISITA PREPARATORIA VISITA PREPARATORIA 1 0 FRANCIA 650
PROXECTOS DENEGADOS NO SEGUNDO PRAZO DE PRESENTACIÓN DE SOLICITUDES POR NON AXUSTARSE Á CONVOCATORIA
CENTRO ESCOLAR TIPO ACCIÓN TÍTULO PROXECTO PROFE. ALUM. PAÍS DESTINO CONCEDIDA
NÚMERO
NÚMERO
AXUDA
CFP DANIEL CASTELAO VISITA PREPARATORIA ESTADÍA NO ESTRANXEIRO. LA PAZ-BOLIVIA 1 0 BOLIVIA 0
CFP DANIEL CASTELAO ESTADÍA PROFESORES ESTADÍA EN EMPRESA 1 0 BOLIVIA 0
CFP DANIEL CASTELAO ESTADÍA PROFESORES ESTADÍA EN EMPRESAS 1 0 BOLIVIA 0
