O Xurado Provincial de Clasificación de Montes Veciñais de Pontevedra, en sesión que tivo lugar o día 8 de febreiro do 2002, acordou inicia-los trá
mites para a clasificación, como veciñais en man común, dos seguintes montes:
Concello: Caldas de Reis.
Parroquia: Cesar.
Nome do monte: Abaixo.
Cabida: 22.999 m (superficie alegada na solicitude).
Lindes:
Norte: propiedades particulares e camiño de servicio.
Leste: pista asfaltada.
Sur: propiedades particulares muro por medio, camiño de servicio.
Oeste: camiño de servicio e propiedades particulares muro por medio.
Servidumes: atópase atravesada por varios camiños de servicio.
Estremas:
Norte: Arturo Rey Martínez, Veneranda Miguens Brey.
Descrición: poboada por fustal de pinus pinaster e carballo en masa aberta con matogueira de silvas e xestas. No extremo suroeste localízase unha canteira abandonada e no sudeste un vertedoiro incontrolado.
Nome do monte: Rexedoiro.
Cabida total: 55.985 m (superficie alegada na solicitude). Divídese en dúas parcelas:
Parcela A: situada ó oeste da estrada de Caldas a San Clemente.
Cabida: 54.859 m (superficie alegada na solicitude).
Lindes:
Norte: propiedades particulares.
Leste: propiedades particulares e estrada de Caldas a San Clemente.
Sur: propiedades particulares.
Oeste: camiño de servicio e propiedades particulares muro por medio.
Servidumes: atravesada por varios camiños de servicio e por liña telefónica.
Estremas:
Norte: José González Villar.
Leste: Celestino Rodríguez Ortigueira, hdeiros. de Manuel Martínez Caramés, Carmen Barral Otero.
Descrición: poboada por latizal de pinus pinaster e carballo en masa aberta con matogueira de toxos, xestas e silvas. Parcialmente rasa obsérvase aproveitamento de esquilmos en varios puntos. No seu límite leste coa estrada de Caldas a San Clemente localízase un vertedoiro incontrolado pechado por cercado de arame.
Parcela B: situada ó oeste da estrada de Caldas a San Clemente.
Cabida: 1.126 m (superficie alegada na solicitude).
Lindes:
Norte: estrada de Caldas a San Clemente.
Leste: propiedades particulares, muro por medio.
Sur: propiedades particulares.
Oeste: estrada de Caldas a San Clemente.
Descrición: é un sobrante de estrada poboado por pés de pinus pinaster.
O que se pon en coñecemento de tódolos interesados, para efectos de abrir un período de información dun mes de duración contado a partir do día seguinte ó da publicación deste anuncio para que se poida examina-lo expediente e aducir durante este tempo o que se estime procedente en relación cos montes de referencia, de conformidade co disposto no artigo 11 da Lei 13/1989, do 10 de outubro, de montes veciñais en man común, e no artigo 23.2º do Decreto 260/1992, do 4 de setembro, polo que se aproba o regulamento para a execución da dita lei.
Pontevedra, 27 de maio do 2002.
José Antonio López Rodríguez
Delegado provincial de Pontevedra