Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 891/2001 por instancia de Alfonso González e outro contra Mafcar Galicia, S.L. sobre salarios nos que recaeu sentencia con data do 31-5-2002 que copiada nos particulares necesarios di así:
«Dictamino que estimando a demanda promovida por Alfonso González Ferrero e Luis Hernando Salvi Merino contra a empresa Mafcar Galicia, S.L. debo condenar e condeno a demandada a que lles aboe ós demandantes, por tódolos conceptos reclamados en demanda, as cantidades seguintes: ó señor González Ferrero, 3.504,11 euros (583.035 pesetas) e ó señor Salvi Merino, 3.791,21 euros (630.805 pesetas).
Así por esta a miña sentencia contra a que poderá recorrerse en suplicación perante a Sala do Social do Tribunal Superior de Xustiza de Galicia, no prazo de cinco días contados desde o seguinte ó da súa notificación, anunciando o propósito de presentalo mediante comparecencia ou por escrito, sendo indispensable que ó tempo de anuncialo o recorrente, se é empresario, exhiba diante deste Xulgado do Social o xustificante acreditativo de ter depositado no Banco de Bilbao Vizcaya, oficina principal desta cidade, na conta corrente deste xulgado, número 5605, clave 60, a cantidade obxecto da condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, sen este requisito non poderá terse por anunciado o recurso e quedará firme a sentencia, debendo consignar ademais a cantidade de 25.000 pesetas na mesma conta, clave 65, entregándose o xustificante na secretaría ó tempo de interpoñe-
lo recurso, declarándose este desistido de non constituírse o dito depósito na forma indicada, definitivamente xulgando en primeira instancia, pronúncioo, mándoo e asínoo».
E para que conste, para efectos da súa publicación no Diario Oficial de Galicia, co fin de que sirva de notificación á empresa Mafcar Galicia, S.L., expido e asino a presente cédula na Coruña, o 31 de maio de 2002.
A secretaria xudicial
Rubricado
