De conformidade co acordado por este tribunal en resolución do día de hoxe, pola que se admite a trámite o recurso contencioso-administrativo que logo se dirá, de conformidade co establecido no artigo 48 da Lei 29/1998, do 13 de xullo, reguladora da Xurisdicción Contencioso-Administrativa, requíreselle para que, no prazo improrrogable de vinte días remita o correspondente expediente administrativo, orixinal ou copiado, completo, debidamente foliado e cosido, autenticado, se é o caso, e acompañado dun índice, así mesmo autenticado, dos documentos que conteña, todo iso de conformidade co establecido no número 3 do dito artigo. Así mesmo, procederase a practica-los emprazamentos a que se refire o artigo 49 da citada lei e dará cumprimento, se é o caso, ó establecido no número 1 do artigo 38, para os fins previstos nel.
Para dar cumprimento ó último parágrafo do número 3 do citado artigo 48 proceda á devolución do duplicado adxunto debidamente dilixenciado.
Recurso número: 01/0000447/2002 IN.
Recorrente: Club Náutico de Portosín.
Acto impugnado: resolución do Comité Galego de Xustiza Deportiva, Secretaría Xeral para o Deporte do 18 de xaneiro de 2002 sobre estatutos Club Náutico de Portosín.
A Coruña, nove de abril de dous mil dous.
O secretario
Recibín o orixinal desta comunicación
Santiago de Compostela, 22 de maio de 2002)
Rubricado
TRIBUNAL SUPERIOR DE XUSTIZA DE GALICIA (SALA
DO CONT.-ADMTIVO., SEC. 2ª)