Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos número 958/2001 seguidos por instancia de José Raimundo Lage Prieto contra Instalaciones Eléctricas Carlos Núñez, S.L. sobre salarios, nos que recaeu sentencia con data do 10-5-2002 que copiada nos particulares necesarios di así:
Que estimando a demanda formulada por José Raimundo Lage Prieto, contra a empresa Instalaciones Eléctricas Carlos Núñez, S.L., condeno a esta a aboarlle a cantidade de 2.058,74 euros, que lle debe en concepto de salarios.
Notifíquese a presente resolución as partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social, no prazo de cinco días hábiles a partir do día seguinte á súa notificación.
Previndo á empresa demandada que para recorrer deberá acreditar ter ingresado na c/c de consignacións código 5604.0000.60 958.2001 do banco BBVA desta cidade denominada Conta do Xulgado do Social número tres o importe da condena e 150,25 euros en concepto de depósito, requisitos sen os cales non será admitido a trámite o recurso quedando firme a sentencia.
Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo.
E para que conste, para efectos da súa publicación no Diario Oficial de Galicia co fin de que sirva de notificación en forma á empresa Instalaciones Eléctricas Carlos Núñez, S.L., expido e firmo esta cédula na Coruña o 24 de maio de 2002.
O secretario xudicial
Rubricado