A Comisión de Goberno do concello, na sesión que tivo lugar o día 13 de maio de 2002, aprobou inicialmente o Plan parcial de ordenación do solo urbanizable non programado número 1 (SUNP-1) de Meixonfrío, promovido polos servicios técnicos municipais.

Na mesma sesión a Comisión de Goberno aprobou inicialmente a delimitación do polígono único do Plan parcial de ordenación do solo urbanizable non programado número 1 (SUNP-1) de Meixonfrío, redactada por Emuvissa, adoptando como sistema de actuación o de expropiación.

Os lindes do ámbito delimitado son:

Norte: núcleo urbano excluído da concentración parcelaria de San Miguel de Agros, parcela 248 de concentración parcelaria e rúa Lindeiro.

Sur: camiño de concentración parcelaria, resto de parcela 260 de concentración parcelaria e parcela 262 de concentración parcelaria.

Leste: parcela 254 de concentración parcelaria, rúa As Pozas, resto das parcelas 258 e 261 de concentración parcelaria.

Oeste: parcelas 251, 250, 249, 248 e restos das parcelas 247, 260 e 261 de concentración parcelaria de San Miguel de Agros.

En cumprimento do que se dispón nos artigos 42.1º e 121.4º da Lei 1/1997, do solo de Galicia (LSG), os expedientes sométense a información pública durante o prazo dun mes, contado a partir do día seguinte ó da publicación deste anuncio no Diario Oficial de Galicia. Durante este prazo os interesados poderán consulta-los expedientes na Sección de Planeamento e Xestión do concello, e formula-las alegacións que xulguen oportunas, mediante escrito que se presentará no rexistro xeral do concello.

Este anuncio servirá de edicto de notificación, de acordo co previsto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común (LRXAP e PAC) ós propietarios que a seguir se relacionan no anexo.

Santiago de Compostela, 10 de xuño de 2002.

Luís Toxo Ramallo

Concelleiro delegado de Urbanismo

ANEXO