Obxecto do contrato: contratación da redacción e execución dun plan de sinalización turística para a cidade.
Tipo de licitación: 202.252,6 euros máis IVE.
Prazo de execución: para a execución da totalidade do obxecto do contrato establécese un prazo máximo de 24 meses.
Forma de adxudicación: concurso por procedemento aberto.
Proposicións: os licitadores poderán presentar proposicións no rexistro xeral do Concello de Santiago de Compostela, entre as 9 e as 14 horas, dentro do prazo de quince días naturais, contados desde o día seguinte ó da data da última das publicacións que corresponden facer no Diario Oficial de Galicia e no BOP da Coruña.
Clasificación do contratista: non se esixe.
Documentación: información e documentación: Concello de Santiago de Compostela. (Sección de Contratación). Teléfono: 981 54 30 33. Fax: 981 57 76 27.
Criterios de adxudicación: son os sinalados no artigo 14 do prego de condicións económico-administrativas.
Garantía provisional: 2% do importe de licitación (4.692,26 A).
Garantía definitiva: 4% do importe de adxudicación.
Apertura de plicas: terá lugar en acto público na casa do concello (secretaría) ás 12 horas o primeiro día hábil, non sábado, seguinte á finalización do prazo de presentación de proposicións.
Santiago de Compostela, 21 de xuño de 2002.
Xosé A. Sánchez Bugallo
Alcalde