No Xulgado do Contencioso-Administrativo número un de Santiago de Compostela estase a tramitar
recurso contencioso-administrativo, procedemento abreviado nº 318/2001, interposto por Pedro María García Cacho en nome e representación de Joaquín Rodríguez Obes contra a resolución da Secretaría Xeral da Consellería da Presidencia e Administración Pública do 29 de outubro de 2001, pola que se desestima o recurso administrativo interposto por Joaquín Rodríguez Obes contra a asignación con carácter provisional, do posto de traballo PR.C02.00.004.15770.107, a consecuencia da modificación da relación de postos de traballo polo acordo do Consello da Xunta de Galicia do 29 de marzo de 2001 (DOG nº 65, do 2 de abril).
En consecuencia, esta secretaría xeral acordou nesta data e de conformidade co disposto no artigo 49 da Lei 29/1998, do 13 de xullo, reguladora da xurisdicción contencioso-administrativa, a remisión do correspondente expediente administrativo referido ó xulgado, o que se notifica para xeral coñecemento de tódalas persoas interesadas no procedemento e se emprazan para que poidan comparecer como parte no Xulgado do Contencioso-Administrativo número un de Santiago de Compostela, no prazo de nove días (9 días) contados desde o día seguinte da publicación da presente resolución no Diario Oficial de Galicia.
Santiago de Compostela, 25 de xuño de 2002.
Pablo Figueroa Dorrego
Secretario xeral da Consellería da Presidencia,
Relacións Institucionais e Administración Pública