Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño en autos seguidos perante este Xulgado do Social, tramitados baixo o número 266/2002 por instancia de Rosa Viejo María contra a empresa Fogar Gas, S.L. sobre despedimento, dictouse a seguinte sentencia:
Na Coruña, 23 de maio de 2002.
Jorge Hay Alba, maxistrado-xuíz do Social número dous desta cidade, viu os presentes autos de xuízo número 266/2002, seguidos por instancia de Rosa Viejo María, maior de idade, asistida polo letrado José Nogueira Esmorís, contra a empresa Fogar Gas, S.L., que non compareceu en autos, é o obxecto da reclamación, despedimento.
Seguen feitos e fundamentos de dereito.
Decido que estimando a demanda interposta por Rosa Viejo María, debo declarar e declaro improcedente o despedimento efectuado pola empresa Fogar Gas, S.L. e extinguida a relación laboral na data da presente resolución, condenando á empresa a que aboe á demandante unha indemnización de 3.155,83 euros máis 2.049,04 euros por salarios de tramitación.
Notifíqueselles esta resolución ás partes, ás que se fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo
de cinco días contados a partir da notificación desta sentencia, e no propio termo, se o recorrente non goza do beneficio da xustiza gratuíta, deberá, ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade co número de conta 5603, clave 60, facendo constar no ingreso o número do expediente.
E, así mesmo, deberá, no momento de interpo-lo recurso, consigna-la cantidade de 150,25 euros en concepto de depósito na clave 65 da citada conta e expediente.
Así, por esta miña sentencia, definitivamente xulgando en primeira instancia, pronúncioo, mándoo e asínoo.
E para que sirva de notificación á empresa Fogar Gas, S.L., que ten o seu enderezo descoñecido, mediante a súa publicación no Diario Oficial de Galicia, expido e asino esta cédula na Coruña, o 23 de maio de 2002.
O secretario xudicial
Rubricado
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA