O Consello da Xerencia Municipal de Urbanismo, en sesión do 11 de abril de 2002, adoptou, entre outros, o seguinte acordo:

Primeiro.-Aprobar definitivamente o proxecto de urbanización da U.E. V-D do PERI Aragón-Travesía de Vigo (expediente 4303/401), presentado pola Comunidade de Bens Bardelas y Álvarez, S.L., Manuel González González e José Simón Viéitez, propietarios únicos en proindiviso, que desenvolve as previsións contidas no estudio de detalle da mencionada unidade (expediente 6202/411), aprobado definitivamente o 28 de xuño de 2001.

Segundo.-Antes do inicio das obras e como condición suspensiva dos efectos do presente acordo de aprobación definitiva, os interesados deberán presentar un aval polo 100% do orzamento das obras, que ascende á cantidade de 214.056,69 euros (35.616.037 pesetas), así como, de acordo coas determinacións do PERI IV-05, outro aval correspondente ó 6% dos custos de urbanización da rúa Sur do PERI, por importe de 19.093,61 euros (3.176.910 pesetas).

Terceiro.-No momento inmediatamente anterior ó do inicio das obras, efectuarase un replanteo destas en coordinación cos técnicos do departamento de vías e obras do concello. Tamén deberá comunicarse o inicio e finalización das obras ó departamento municipal de servicios electromecánicos, para a comprobación da rede de iluminación pública.

Cuarto.-Publíquese o presente acordo no BOP e no Diario Oficial de Galicia. Notifíqueselles ó departamento municipal de vías e obras, e ós interesados afectados, con indicación dos recursos procedentes.

Contra o devandito acordo, que pon fin á vía administrativa, poderán interpoñerse os seguintes recursos:

a) Potestativo de reposición ante o Consello da Xerencia Municipal de Urbanismo de Vigo no prazo dun mes a partir do día seguinte da publicación deste anuncio.

b) Contencioso-administrativo ante o Tribunal Superior de Xustiza de Galicia no prazo de dous meses contados desde o día seguinte da publicación deste anuncio.

De conformidade co artigo 59 da Lei 30/1992, do 26 de novembro, LRXAP-PAC, por medio do presente anuncio, notifíquese o acordo que nel se contén a tódolos propietarios afectados descoñecidos, de ignorado enderezo, respecto dos cales non se puido practica-la notificación intentada.

Vigo, 22 de abril de 2002.

Lois Pérez Castrillo

Alcalde-presidente da Xerencia Municipal

de Urbanismo