Por resolución do director xeral do IGVS do 18 de marzo de 2002 acordouse o inicio do expediente de expropiación forzosa, que se tramitará polo procedemento de taxación conxunta, dos bens necesarios para levar a cabo a execución das fases 2ª e 3ª do plan parcial de ordenación do parque empresarial de Merelle-Ordes, en beneficio de Xestión Urbanística de A Coruña, S.A. (Xestur A Coruña),

conforme o proxecto presentado por ela; e así mesmo, de conformidade co artigo 145 da Lei 1/1997, do 24 de marzo, do solo de Galicia, acordou sometelo a información pública polo prazo dun mes para que os que poidan resultar interesados formulen as observacións e reclamacións que coiden convenientes, en particular no que concirne á titularidade ou valoración dos seus respectivos dereitos.

O dito expediente estará exposto, durante o indicado prazo dun mes, nas oficinas da Área Provincial do Instituto Galego da Vivenda e Solo na Coruña, sitas na rúa Salvador de Madariaga, Edificio de Servicios Múltiples, 9ª planta, así como no Concello de Ordes, a fin de que todas aquelas persoas ou entidades que se consideren afectadas poidan presenta-las alegacións que estimen oportunas nas oficinas anteriormente sinaladas.

A Coruña, 11 de xuño de 2002.

Teresa Morán Calero

Xefa da Área Provincial do Instituto Galego

da Vivenda e Solo

ANEXO

Relación de bens e dereitos afectados