Jaime Balado Yáñez, secretario xudicial do Xulgado do Social número dous da Coruña, dou fe e testemuño de que nos autos seguidos perante este xulgado do social tramitados baixo o número 48/2002, contra a empresa Queixeira de San Miguel, S.L., sobre resolución de contrato, se dictou a seguinte sentencia:

Sentencia. A Coruña, 27 de febreiro de 2002. Jorge Hay Alba, maxistrado-xuíz do Xulgado do Social número dous desta cidade, viu os presentes autos de xuízo número 48/2002, seguidos por instancia de Carlos A. Suárez Antelo, Clara Castro Suárez, María Montserrat Villamor Méndez, Magdalena Codesido Vázquez e Jesús Cutrín Tato, maiores de idade, asistidos polo letrado Manuel López Núñez, contra a empresa Queixeira de San Miguel, S.L., que non compareceu no xuízo, sendo o obxecto da reclamación, resolución do contrato.

Seguen feitos e fundamentos xurídicos.

Decido que estimando a demanda formulada polos demandantes Carlos A. Suárez Antelo, Clara Castro Suárez, María Montserrat Villamor Méndez, Magdalena Codesido Vázquez e Jesús Cutrín Tato, debo declarar e declaro a extinción da relación laboral que unía os demandantes coa empresa Queixeira de San Miguel, S.L., condenando a empresa demandada a estar e pasar por dita declaración e que abone ós actores a seguinte indemnización: a Carlos A. Suárez Antelo, 7.279,76 euros (1.211.250 pesetas); a Clara Castro Suárez, 7.279,76 euros (1.211.250 pesetas); a María Montserrat Villamor Méndez, 4.002,74 euros (666.000 pesetas), a Magdalena Codesido Vázquez, 10.020,37 euros (1.667.250 pesetas) e a Jesús Cutrín Tato, 10.020,37 euros (1.667.250 pesetas).

Notifíqueselles esta resolución ás partes ás que se fará saber que contra ela só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contado a partir da notificación desta sentencia, e no propio termo se o recorrente non goza do beneficio da xustiza gratuíta deberá ó anuncialo entrega-lo xustificante acreditativo de consignación da cantidade obxecto da condena na conta

de depósitos e consignacións que este xulgado ten aberta no BBV desta cidade co número de conta 5603 clave 60, facendo constar no ingreso o número do expediente.

E así mesmo deberá no momento de interpo-lo recurso consigna-la cantidade de 25.000 pesetas en concepto de depósito na clave 65 da citada conta e expediente.

Así, por esta miña sentencia definitivamente xulgando en primeira instancia pronúncioo, mándoo e asínoo.

E para que sirva de notificación a empresa Queixeira de San Miguel, S.L. mediante a súa publicacióin no Diario Oficial de Galicia, que ten o seu enderezo descoñecido, expido e asino esta cédula na Coruña o 23 de maio de 2002.

O secretario xudicial

Rubricado