En cumprimento do disposto no artigo 4 da Lei orgánica 11/1985, do 2 de agosto, de liberdade sindical, e para os efectos previstos nel, faise público que no correspondente servicio desta dirección xeral foron depositados a acta do primeiro congreso e os
estatutos da Federación de Alimentación e Téxtil da CIG, que ten os seguintes ámbitos:
Territorial: Comunidade Autónoma de Galicia.
Profesional: poderán pertencer á devandita organización sindical tódolos traballadores e traballadoras que desempeñen ou busquen desempeñar un traballo asalariado dentro dos seguintes sectores: agro, gandería, pensos compostos, matadoiros, explotación forestal, granxas, piscifactorías, industrias alimentarias, lácteas, cárnicas, alimentos compostos, conservas de peixe e vexetais, caza, frío-industrial, frigoríficos, bebidas, depuradoras, confección téxtil, coiros, calzado, pel, xéneros de punto, empresas auxiliares.
Asinan a acta do I congreso: o secretario xeral, Xosé Fernández Piñeiro, e cinco persoas máis.
Santiago de Compostela, 3 de xuño de 2002.
José Vázquez Portomeñe
Director xeral de Relacións Laborais