En cumprimento do disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos nel, faise público que no correspondente servicio desta dirección xeral foron depositados a acta de constitución e os estatutos da Asociación de Supermercados de Galicia que ten os seguintes ámbitos:

Territorial: Comunidade Autónoma de Galicia.

Profesional: poderán pertencer á devandita asociación as empresas do sector do comercio de alimentación e droguería que desenvolvan a súa actividade profesional na Comunidade Autónoma de Galicia.

Asinan a acta de constitución: José María Froiz Prieto en representación da sociedade Distribuciones Froiz, S.A., e cinco persoas máis representando a outras sociedades.

Santiago de Compostela, 16 de maio de 2002.

José Vázquez Portomeñe

Director xeral de Relacións Laborais