De conformidade co disposto no artigo 59.4º da Lei 30/1992, do 26 de novembro (BOE do 27 de novembro), de réxime xurídico das administracións públicas e do procedemento administrativo común, notifícaselle ó denunciado cos datos persoais e último domicilio coñecido, que se sinala a continuación, a notificación de incoación de expediente sancionador acordada polo delegado provincial da Consellería de Política Agroalimentaria e Desenvolvemento Rural de Lugo.
Noméase instructora do procedemento a Mª Paz Maseda Ferrerio e secretaria a Mª Jesús Fernández Martínez, funcionarias desta delegación provincial, podendo promove-la súa recusación en calquera momento da tramitación do procedemento, de concorrer algunha das circunstancias previstas no artigo 29 da Lei 30/1992 citada.
A resolución será acordada polo delegado provincial desta consellería, en virtude da competencia atribuída polo Decreto 24/1984, do 23 de febreiro (DOG do 8 de marzo), e demais normativa aplicable.
O interesado disporá dun prazo de quince días, contados a partir do seguinte ó da publicación desta notificación, para que poida examina-lo expediente na delegación provincial desta consellería, sita na Ronda da Muralla 70, baixo 1º, e achegar por escrito cantas alegacións e documentos estime convenientes e, de se-lo caso, propoñer proba concretando os medios de que pretenda valerse.
Conforme o establecido no artigo 13.2º do Regulamento para o exercicio da potestade sancionadora, do 4 de agosto de 1993 (BOE nº 189, do 9 de agosto), de non se efectuaren alegacións no prazo anterior, este acordo de iniciación poderá ser considerado proposta de resolución, determinándose, para estes efectos, o importe da sanción.
O pagamento voluntario poderá implica-la terminación do procedemento. Para efectualo deberá emprega-los impresos normalizados que lles serán facilitados nesta delegación provincial.
Lugo, 14 de maio de 2002.
José R. Molinero Senovilla
Delegado provincial de Lugo
ANEXO
Expediente: 82/02 mv.
Denunciado: Roberto Muñoz Iglesias.
DNI: 3471449.
Último enderezo coñecido: Mochas, 26. Segovia.
Feitos imputados: transportar, en data 5 de decembro de 2001, no camión matrícula SG-8499-H, 550 animais da especie porcina desde Cuéllar (Segovia) ata A Coruña cunha guía de orixe e sanidade pecuaria nº 67.643 incompleta.
Tipificación da infracción:
Precepto infrinxido: artigo 32 do Regulamento de epizootias do 4 de febreiro de 1955.
Precepto sancionador: artigo 212 do Regulamento de epizootias.
Cualificación da infracción: moi grave.
Sanción posible: 601,01 euros.
Motivo da publicación: enderezo descoñecido.