A Orde do 4 de abril de 2002, pola que se convocan axudas destinadas á prestación de servicios sociais polas corporacións locais, (Diario Oficial de Galicia nº 73, do 16 de abril ), establece no seu artigo 6 o importe da cuantía máxima das axudas que ó abeiro dela poderán ser concedidas ós seus solicitantes.

Non obstante, e como existen outras dotacións que poden ser utilizadas para os mesmos fins, cómpre amplia-lo importe da contía máxima das axudas que poderán ser concedidas ó abeiro da referida Orde do 4 de abril de 2002, coa finalidade de facer chegar estas ó maior número de beneficiarios posible.

Por todo o exposto, e no uso das facultades que me foron conferidas,

DISPOÑO:

Artigo único.

Primeiro.-Amplíase o importe da contía máxima que se vai conceder ó abeiro da Orde do 4 de abril de 2002, pola que se establecen axudas para a prestación de servicios sociais polas corporacións locais, na cantidade de un millón catrocentos setenta e un mil setecentos dezaseis euros (1.471.716 A) e con cargo as aplicacións orzamentarias: 16.03.212A.460.1 polo importe de cincocentos mil euros (500.000 A) e 16.02.212D.461.0 polo importe de novecentos setenta e un mil setecentos dezaseis euros (971.716 A) que figuran dotadas nos orzamentos xerais da Comunidade autónoma de Galicia para o ano 2002.

Segundo.-A presente modificación non afecta o prazo establecido na referida orde para a presentación de solicitudes.

Santiago de Compostela, 28 de maio de 2002.

Corina Porro Martínez

Conselleira de Asuntos Sociais