Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño de que nos autos seguidos perante este xulgado do social tramitados baixo o número 150/2002 contra a empresa Instalaciones Eléctricas Carlos Núñez, S.L. sobre despido, dictouse a seguinte sentencia:

Sentencia. A Coruña, 10 de abril de 2002.

Jorge Hay Alba, maxistrado-xuíz do social número dous desta cidade, viu os presentes autos de xuízo 150/2002 seguidos por instancia de José David Casal López, maior de idade, asistido por Pedro Pedreira Candal, contra a empresa Instalaciones Eléctricas Carlos Núñez, S.L., que non compareceu nos autos, sendo o obxecto da reclamación, despedimento.

Seguen feitos e fundamentos xurídicos.

Decido que debo estimar e estimo a demanda interposta por José David Casal López, debo declarar e declaro improcedente o despedimento do actor, condenando a demandada a que no prazo de cinco días, desde a data da notificación da sentencia opte entre a readmisión inmediata do demandante nas mesmas condicións que posuía con anterioridade ou o aboamento dunha indemnización de 6.479,69 euros máis, en ámbolos casos, o aboamento dos salarios de trámite desde a data do despedimento ata a notificación da presente resolución que ascende a 30,31 euros/día.

Notifíqueselles esta resolución ás partes ás que se fará saber que contra ela só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días a contar a partir da notificación desta sentencia, e no propio termo se o recorrente non goza do beneficio da xustiza gratuíta deberá ó anuncialo entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade co número de conta 5603 clave 60, facendo constar no ingreso o número do expediente.

E, así mesmo, deberá no momento de interpo-lo recurso consigna-la cantidade de 25.000 pesetas en concepto de depósito na clave 65 da citada conta e expediente.

Así, por esta miña sentencia definitivamente xulgando en primeira instancia pronúncioo, mándoo e asínoo.

E para que lle sirva de notificación á empresa Instalaciones Eléctricas Carlos Núñez, S.L. mediante a súa publicación no Diario Oficial de Galicia, que

ten o seu enderezo descoñecido, expido e asino a presente cédula na Coruña o 9 de maio de 2002.

O secretario xudicial

Rubricado