Eu, Camilo J. García-Puertas Magariños, secretario do Xulgado do Social número dous de Santiago de Compostela, dou fe de que nestes autos de xuízo verbal número 848/2001 e acumulados, seguidos neste Xulgado do Social número dous de Santiago de Compostela, por instancia de Josefa Fernández Pais, contra María Teresa Suárez Casal en reclamación de despedimento, dictouse, con data 9 de maio de 2002, sentencia, que ten a decisión xudicial do teor literal seguinte:
«Que estimando a demanda promovida por Josefa Fernández Pais, María Victoria López López e María del Carmen Rey Estévez, fronte a empresa María Teresa Suárez Casa e Fogasa, debo declarar e declaro a improcedencia do despedimento de que foron obxecto as actoras e condeno a dita empresa a que opte entre a readmisión das traballadoras demandado no seu posto de traballo ou o aboamento a Josefa Fernández Pais da cantidade de douscentos dez euros con corenta e sete céntimos (35.019 pesetas), a Victoria López López a cantidade de seiscentos oitenta euros con cincuenta e un céntimos (113.227 pesetas) e a María del Carmen Rey Estévez a cantidade de douscentos un euros con once céntimos (33.462 pesetas), en concepto de indemnización, opción que deberá exercer no prazo de cinco días desde a notificación desta sentencia, mediante escrito ou comparecencia perante este xulgado, advertíndolle que de non a realizar se entenderá que procede a primeira, con aboamento en ámbolos casos das cantidades de
dous mil novecentos setenta e sete euros con noventa e sete céntimos (495.492 pesetas) a Josefa, dous mil novecentos setenta e sete euros con noventa e sete céntimos (495.492 pesetas) a Victoria, tres mil cincuenta e tres euros con oitenta e catro céntimos (508.116 pesetas) en concepto de salarios de tramitación, e un haber diario de dezaoito euros con noventa e sete céntimos (3.156 pesetas) para cada unha delas, desde a data ata que se notifique esta resolución».
E para que lle sirva de notificación de sentencia a María Teresa Suárez Casal, con domicilio en Doutor Maceira 6, Santiago de Compostela, hoxe en paradoiro descoñecido, e fáiselles saber que contra ela cabe recurso de suplicación.
E, así mesmo, para que conste para efectos da súa publicación no BOP da Coruña, expido e asino esta cédula de notificación de sentencia, en Santiago de Compostela o mércores 15 de maio de 2002.
O secretario xudicial
Rubricado