Visto o expediente de revisión salarial do convenio colectivo do sector de comercio da pel que tivo entrada nesta delegación provincial o día 20-5-2002, subscrito en representación da parte económica pola Asociación Provincial de Empresarios del Comercio
del Calzado e da parte social, por UGT, CC.OO e CIG o día 24-4-2002, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no Libro Rexistro de Convenios Colectivos de Traballo, que consta nesta delegación provincial, e notificación ás representacións económica e social da comisión negociadora.
Segundo.-Ordena-lo depósito do citado acordo no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 23 de maio de 2002.
Reyes Carabel Pedreira
Delegada provincial da Coruña
Táboas salariais que servirán de base para a negociación do convenio colectivo para as empresas do sector do comercio da pel da provincia da Coruña para o ano 2002.
Categoría Salarios Cómputo anual
Axundante 557,67 A 8.816,11 A Dependente de 22 a 24 anos 572,27 A 9.035,16 A Dependente maior de 25 anos 617,93 A 9.719,97 A Xefe de sección 652,71 A 10.241,73 A Xefe de almacén 760,86 A 11.864,00 A Xefe de sucursal 760,86 A 11.864,00 A Encargado xeral 868,48 A 13.478,33 A Encargado de compras e vendas 692,60 A 10.840,09 A Mozo de almacén 557,67 A 8.816,11 A Corredor de praza 649,73 A 10.197,11 A Auxiliar de caixa de 18 a 20 anos 557,67 A 8.816,11 A Auxiliar de caixa de 20 a 22 anos 564,08 A 8.912,31 A Auxiliar de caixa de 22 a 25 anos 577,74 A 9.117,18 A Auxiliar de caixa de máis de 25 anos 583,23 A 9.199,57 A Contable caixeiro 651,55 A 10.224,30 A Xefe administrativo 800,10 A 12.452,52 A Oficial administrativo 617,95 A 9.720,33 A Auxiliar administrativo 557,67 A 8.816,11 A Escaparatista 625,18 A 9.828,73 A Complemento transporte 39,14 A
Convenio colectivo provincial do comercio da pel
Acta
Asistentes.
Parte empresarial.
Vicente Villar Pispieiro.
Francisco Mosteiro Ponce.
Francisco J. González Outumuro.
Parte social.
Nieves Montes Patiño (UGT).
Soledad Méndez Rodríguez (CCOO).
Lois Soto Sabio (CIG)
Na Coruña, ás 11 horas do día 24 de abril de 2002, reúnese a comisión paritaria do convenio colectivo provincial para as empresas do sector do comercio da pel.
O único punto é a revisión das táboas salariais do ano 2001 para os efectos da negociación do seguinte convenio en aplicación do artigo 5.
Acórdase
1º Aplica-la cláusula de garantía correspondente a 2001, incrementando a táboa salarial nun 0,2%.
2º Aproba-las táboas que se xuntan para a súa publicación no Boletín Oficial da provincia.
E non tendo máis asuntos que tratar, deuse por finalizada a reunión, ás 12 horas da data e lugar indicados no encabezamento.
CONSELLERÍA DE FAMILIA E PROMOCIÓN DO EMPREGO,
MULLER E XUVENTUDE
