O Pleno da Corporación, en sesión realizada o 30-4-2002, adoptou, entre outros, o seguinte acordo:

«Por decreto da Alcaldía, do 18 de xaneiro de 2002, aprobouse inicialmente o estudio de detalle,

no ámbito da unidade de actuación, sito en Vertín (Mondego), a instancia de Enrique e Juan Suárez Pena, redactado polo arquitecto Jorge Zapata Blanco. O dito expediente someteuse a un período de información pública, logo de publicación dos correspondentes anuncios no xornal El Ideal Gallego o 31 de xaneiro de 2002, e no Diario Oficial de Galicia nº 46, do 5 de marzo de 2002, sen que se formularan alegacións.

Esta Alcaldía, someteu para a súa toma en consideración, polo Pleno da Corporación a seguinte proposta de acordo:

Primeiro.-Aprobar definitivamente o devandito estudio de detalle, indicándolles ós señores promotores que deberán urbaniza-la totalidade da vía proxectada, cun largo de 8 m, co fin de cumpri-las previsións recollidas na documentación gráfica das normas subsidiarias de planeamento.

Segundo.-Notifica-lo presente acordo ós interesados no expediente, co ofrecemento das accións legais oportunas».

Contra a devandita resolución que pon fin á vía administrativa poderá interpor recurso potestativo de reposición ou ben directamente recurso contencioso-administrativo, consonte o disposto polos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común.

Non obstante, poderá interpor calquera outro recurso que considere pertinente.

Sada, 2 de maio de 2002.

O alcalde

Rubricado