O Pleno do concello, en sesión ordinaria do 26 de marzo de 2002, acordou aproba-lo proxecto da

obra de alargamento e pavimentación do camiño do Castro, Nogueirosa e a iniciación do expediente de expropiación forzosa, polo procedemento de taxación individual, mediante a declaración expresa de utilidade pública e a necesidade de ocupación dos bens e dereitos -implícitos na aprobación do proxecto da obra e a súa inclusión no Plan XXI de reinvestimento de baixas en obras municipais 2002, da Deputación Provincial da Coruña (artigos 10 e 17.2º da LEF) e aprobar inicialmente a relación individualizada de bens e dereitos de necesaria ocupación que figura como anexo ó proxecto da obra mencionado, en cumprimento do previsto no artigo 17 da LEF, sometendo o expediente a información pública polo prazo de 15 días mediante anuncio no BOP, DOG e nun dos diarios de máxima difusión da provincia e notificando individualmente ós propietarios dos terreos e/ou os titulares de dereitos afectados.

O presente anuncio servirá de notificación nos termos do artigo 59 da Lei 30/1992, do 26 de novembro, para tódolos propietarios e interesados directamente afectados que, por resultaren descoñecidos ou ignorando o seu enderezo, non poidan ser notificados.

Calquera persoa poderá achegar por escrito os datos aportados para rectificar posibles erros da relación publicada ou opoñerse, por razóns de fondo ou forma, á necesidade de ocupación, nos termos establecidos no artigo 19 da LEF.

Pontedeume, 13 de maio de 2002.

Belarmino Freire Bujía

Alcalde

Relación de predios e bens de necesaria ocupación