O día 30 de novembro de 2001 o presidente de Portos de Galicia aprobou o expediente de outorgamento por concurso aberto da concesión das instalacións da nova lonxa do porto de Cabo de Cruz para a prestación do servicio de lonxa.

Así mesmo, o presidente, actuando en nome e representación do ente público Portos de Galicia, segundo o artigo 6.3º da Lei 5/1994, do 29 de novembro, de creación do ente público Portos de Galicia, resolveu adxudica-lo concurso aberto para o outorgamento da concesión das instalacións da nova lonxa do porto de Cabo de Cruz para a prestación do servicio de lonxa.

1. Entidade adxudicadora.

a) Organismo: ente público Portos de Galicia.

b) Número de expediente: clave: 12-52-2001-C-02.

2. Obxecto do contrato.

a) Tipo de contrato: administrativo.

b) Descrición do obxecto: outorgamento da concesión das instalacións da nova lonxa do porto de Cabo de Cruz para a prestación do servicio de lonxa.

c) Boletín, diario oficial e data da publicación do anuncio de licitación: Diario Oficial de Galicia do día 7 de decembro de 2001.

3. Tramitación, procedemento e forma de adxudicación.

a) Tramitación: ordinaria.

b) Procedemento: aberto.

c) Forma: concurso.

4. Adxudicación.

a) Data: 22 de maio de 2002.

b) Adxudicatario: Confraría de Pescadores de Cabo de Cruz.

c) Nacionalidade: española.

5. Outras informacións. En cumprimento do disposto na vixente Lei 30/1992, de réxime xurídico das administracións públicas e do procedemento administrativo común, do 26 de novembro de 1992, modificada pola Lei 4/1999, do 14 de xaneiro, faise pública esta resolución, que pon fin á vía administrativa e é susceptible de recurso contencioso-administrativo perante o Xulgado do Contencioso-Administrativo de Santiago de Compostela no prazo de dous (2) meses contados a partir do día seguinte ó da publicación desta resolución.

Non obstante, o interesado poderá optar por interpor contra esta resolución recurso de reposición, no prazo dun (1) mes contado a partir do día seguinte ó da súa notificación, perante o mesmo órgano que a dictou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1994, do 13 de xaneiro.

Santiago de Compostela, 27 de maio de 2002.

Emilio García Gallego

Presidente do ente público Portos de Galicia