Visto o expediente de revisión salarial do convenio colectivo da empresa El Pote, S.A. que tivo entrada nesta delegación provincial o día 3-5-2002, subscrito en representación da parte económica pola empresa e da parte social polo delegado de persoal o día 3-5-2002, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial
ACORDA:
Primeiro.-Ordena-la súa inscripción no libro rexistro de convenios colectivos de traballo, existente nesta delegación provincial, e notificación ás representacións económica e social da comisión negociadora.
Segundo.-Ordena-lo depósito do citado acordo no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 10 de maio de 2002.
Reyes Carabel Pedreira
Delegada provincial da Coruña
Acta
Na Coruña, ás doce horas do día 30 de abril de 2002, reúnese Javier Buján Chamorro, delegado de
persoal de El Pote, S.A., asistido por Nieves Montes, asesora de UGT, en representación dos traballadores da empresa.
Doutra parte, en representaicón de El Pote, S.A. o letrado Miguel Calderón Acero.
O obxecto da reunión é a revisión das táboas salariais do convenio do ano 2001.
En aplicación do disposto no artigo 7 do convenio para o ano 2001 e visto que o IPC real do dito ano foi do 2,7%, adóptase o seguinte acordo:
* Revisa-las táboas salariais de 2001 incrementándoas no 0,7%, con efecto do 1 de xaneiro de 2001, segundo o anexo que se incorpora nesta acta.
E non habendo outros asuntos que tratar, deuse por finalizada a reunión ás trece horas da data.
El Pote, S.A.
Revisión táboas salariais 2001
Categoría Salario base mensual
Director 986,41 euros
Xefe de división 876,76 euros
Xefe de centro ou sucursal 766,34 euros
Xefe de sección 697,01 euros
Dependente maior 637,71 euros
Dependente 25 anos 590,57 euros
Dependente 22 anos 573,65 euros
Dependente con menos de 1 ano 547,85 euros
Axudante 547,85 euros
Oficial 1º administrativo 636,52 euros
Oficial 2º administrativo 590,57 euros
Auxiliar administrativo 557,51 euros
Decorador 697,01 euros
Axudante decoración e publicidade 590,57 euros
Escaparatista 690,13 euros
Montador de escaparates 590,57 euros
Profesional de oficio de 1ª 590,57 euros
Profesional de oficio de 2ª 573,65 euros
Mozo 557,51 euros
Complemento de transporte 58,50 euros