A necesidade de adecua-lo cadro de persoal da Secretaría Xeral de Investigación e Desenvolvemento e do INEF de Galicia ás súas necesidades de funcionamento fai necesario modifica-la relación de postos de traballo destas.
En consecuencia, por proposta do conselleiro da Consellería da Presidencia, Relacións Institucionais e Administración Pública, oídas as organizacións sindicais presentes na Mesa Sectorial de Persoal Laboral e na Mesa Xeral de Negociación da Comunidade Autónoma e a Comisión de Persoal, o Consello da Xunta de Galicia na súa reunión do día seis de xuño de dous mil dous, adoptou o seguinte
ACORDO:
Primeiro.-Modifica-la vixente relación de postos de traballo da Consellería da Presidencia, Relacións Institucionais e Administración Pública, nos termos que se sinalan nos anexos a este acordo.
Segundo.-Ordena-la publicación da dita modificación no Diario Oficial de Galicia para efectos da súa entrada en vigor a partir do día seguinte a ela.
Terceiro.-Clasificar como postos de libre designación, de acordo coas motivacións que se especifican, os seguintes:
Código Denominación Motivación
PR.P11.00.000.15770.001 Secretario/a do/a secretario/a xeral Artigo 6 da orde da Consellería da Presidencia e Administración Pública do 21 de novembro de 1989 (DOG nº 232, do 4 de decembro). Postos de confianza.
PR.P11.00.002.15770.015 Sección de Habilitación Posto de especial responsabilidade polo manexo de fondos públicos.
Visto o acordo adoptado polo Consello da Xunta de Galicia na súa reunión do seis de xuño de dous mil dous, relativo á modificación da relación de postos de traballo da Consellería da Presidencia, Relacións Institucionais e Administración Pública (Secretaría Xeral de Investigación e Desenvolvemento e INEF), coa finalidade de cumpri-lo dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 7 de xuño de 2002.
Jaime Pita Varela
Conselleiro da Presidencia, Relacións
Institucionais e Administración Pública