A necesidade de adecua-lo cadro de persoal da Consellería de Pesca e Asuntos Marítimos ás súas necesidades de funcionamento fai necesario modifica-la relación de postos de traballo dos sevicios centrais e periféricos da consellería.
En consecuencia, por proposta do conselleiro da Consellería da Presidencia, Relacións Institucionais e Administración Pública, oídas as organizacións sindicais presentes nas mesas sectoriais de Funcionarios e de Persoal Laboral e na Mesa Xeral de Negociación da Comunidade Autónoma e a Comisión de Persoal, o Consello da Xunta de Galicia, na súa reunión do día seis de xuño de dous mil dous, adoptou o seguinte
ACORDO:
Primeiro.-Modifica-la vixente relación de postos de traballo da Consellería de Pesca e Asuntos Marítimos nos termos que se sinalan nos anexos a este acordo.
Segundo.-Ordena-la publicación da dita modificación no Diario Oficial de Galicia para efectos da súa entrada en vigor a partir do día seguinte a ela.
Visto o acordo adoptado polo Consello da Xunta de Galicia na súa reunión do seis de xuño de dous mil dous, relativo á modificación da relación de postos de traballo da Consellería de Pesca e Asuntos Marítimos, coa finalidade de cumpri-lo dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 7 de xuño de 2002.
Jaime Pita Varela
Conselleiro da Presidencia, Relacións
Institucionais e Administración Pública