A Comunidade Autónoma de Galicia, no ámbito das competencias que ten atribuídas en materia de vivenda e co fin de abordar conxuntamente co goberno central a problemática de vivenda en Galicia, vén participando no desenvolvemento e xestión dos plans estatais de vivenda.

Despois da entrada en vigor do Real decreto 1/2002, do 11 de xaneiro, sobre medidas de financiamento de actuacións protexidas en materia de vivenda e suelo do Plan 2002-2005, o día 27 de maio de 2002 asinouse o convenio bilateral entre a Comunidade Autónoma de Galicia e o Ministerio de Fomento sobre actuacións protexidas en materia de vivenda e solo do Plan 2002-2005, ó abeiro do previsto no artigo 42 do dito real decreto.

Son obxectivos prioritarios en materia de vivenda no ámbito territorial da Comunidade Autónoma: o fomento nas zonas urbanas de vivendas de nova construcción a prezos asequibles con destino a colectivos con ingresos medios e baixos que acceden por primeira vez a unha vivenda, prestándose especial atención ás familias numerosas ou en situación de emerxencia social, mozos e discapacitados; o mantemento da promoción de aloxamentos protexidos en aluguer para mozos de ata 35 anos e persoas maiores de 60; a rehabilitación de edificios e vivendas e, dentro deste campo, o fomento das áreas de rehabilitación.

É, xa que logo, necesario a adaptación da política de vivenda a estas necesidades. Así, dentro das denominadas vivendas de protección pública, simplifícanse as categorías de vivendas protexidas, introducindo unha nova figura, denominada vivendas de protección autonómica, que substitúe e abrangue as anteriores modalidades de vivendas de protección oficial e de vivendas declaradas protexidas, coas características, réxime xurídico e de axudas que se determinan no decreto.

As axudas que a Comunidade Autónoma viña concedendo para mozos adquirentes de vivendas de protección pública, mediante ordes de convocatoria anuais, configúranse como unha axuda máis de entre as previstas neste decreto con destino a adquirentes, adxudicatarios e promotores para uso propio que acceden por primeira vez a unha vivenda protexida en propiedade. Así mesmo, establécese unha nova liña de axudas para unidades familiares en situación de emerxencia social.

Determínanse os prezos máximos de venda e renda das vivendas protexidas nas distintas zonas territoriais que se establecen, aplicando ó prezo básico

a nivel nacional os correspondentes coeficientes multiplicativos.

Finalmente, regúlase a concesión das axudas establecidas no Real decreto 1/2002, do 11 de xaneiro, así como das que se outorgan con cargo ós orzamentos da Comunidade Autónoma.

Na súa virtude, por proposta do conselleiro de Política Territorial, Obras Públicas e Vivenda e logo de deliberación do Consello da Xunta de Galicia na súa reunión do día seis de xuño de dous mil dous,

DISPOÑO:

Capítulo I

Disposicións xerais

Artigo 1º.-Obxecto e ámbito.

Este decreto ten por obxecto establece-las axudas públicas para as actuacións protexidas en materia de vivenda, con cargo ós orzamentos da Comunidade Autónoma de Galicia, e regula-las vivendas de protección pública declaradas protexidas e a xestión das axudas establecidas no Real decreto 1/2002, do 11 de xaneiro, sobre medidas de financiamento de actuacións protexidas en materia de vivenda e solo do Plan 2002-2005.

Aplicarase ó financiamento cualificado de actuacións protexidas acollidas ás disposicións do Real decreto 1/2002, do 11 de xaneiro.

O Instituto Galego da Vivenda e Solo, a través das súas delegacións provinciais, declarará ou visará como actuacións protexidas en materia de vivenda e solo aquelas que, reunindo os requisitos establecidos no citado real decreto e neste decreto, estean comprendidas no convenio subscrito entre a Comunidade Autónoma e o Ministerio de Fomento.

Artigo 2º.-Órganos competentes.

A xestión dos expedientes que se tramiten ó abeiro deste decreto compete ás delegacións provinciais do Instituto Galego da Vivenda e Solo. Corresponderalles ós delegados provinciais resolver sobre eles, se ben cando se trate da concesión de subvencións resolverá o director xeral do Instituto Galego da Vivenda e Solo por proposta dos delegados provinciais.

Artigo 3º.-Actuacións protexidas.

Para os efectos das axudas previstas neste decreto e das contempladas polo Real decreto 1/2002, do 11 de xaneiro, considéranse protexidas as seguintes actuacións:

a) A promoción para a cesión en arrendamento, venda ou uso propio de vivendas de nova construcción declaradas protexidas pola Comunidade Autónoma, así como a adquisición das ditas vivendas.

b) A promoción de aloxamentos declarados protexidos destinados a arrendamento ou outras formas de explotación.

c) A promoción, baixo calquera modalidade, das vivendas cualificadas de promoción pública, para cesión en arrendamento, acollidas ó sistema de cofinanciamento previsto no citado real decreto.

d) A adquisición doutras vivendas existentes, libres ou suxeitas a réximes de protección pública, cando se trate dunha segunda ou posterior transmisión, ou de vivendas libres, de nova construcción ou resultantes de actuacións de rehabilitación, nas condicións establecidas no Real decreto 1/2002, sexa para uso propio ou para a súa cesión en réxime de arrendamento por entidades sen ánimo de lucro.

e) A rehabilitación de áreas urbanas en proceso de degradación, de edificios e de vivendas.

f) A urbanización de solo para a súa inmediata edificación, con destino predominante á promoción de vivendas declaradas protexidas pola Comunidade Autónoma.

Os supostos de vivendas que constitúan experiencias piloto serán obxecto, de se-lo caso, de regulación específica.

Artigo 4º.-Axudas públicas.

O financiamento cualificado das actuacións protexidas en materia de vivenda e solo poderá adopta-las seguintes modalidades:

1. Préstamos cualificados concedidos polas entidades de crédito públicas e privadas no ámbito dos convenios subscritos polo Ministerio de Fomento con elas.

2. Axudas económicas directas.

a) Con cargo ós orzamentos do Estado:

-Subsidiación dos préstamos cualificados.

-Subvencións.

-Outras axudas económicas directas destinadas a facilita-lo pagamento da entrada para o primeiro acceso a vivenda en propiedade.

b) Con cargo ós orzamentos da Comunidade Autónoma de Galicia:

-Subvencións.

3. Calquera outra axuda que se poida establecer durante a vixencia do Plan de Vivenda 2002-2005.

Artigo 5º.-Aplicación orzamentaria e límites á concesión das axudas.

As subvencións imputaranse ós créditos consignados na aplicación orzamentaria 06.50.331.A.783 ou na que se determine na correspondente Lei de orzamentos da Comunidade Autónoma.

A concesión de axudas a que se refire o artigo anterior quedará limitada polo esgotamento dos recursos financeiros destinados a elas.

Artigo 6º.-Condicións para acceder ás axudas públicas.

1. Ademais dos requisitos que en cada caso se esixan para o acceso ás vivendas e declaración de actuacións protexidas, para optar ás axudas públicas deberán cumprirse as seguintes condicións, sen prexuízo das que especialmente se esixa para determinados supostos.

a) Que as actuacións para as que se solicita financiamento cualificado foran declaradas protexidas.

b) Que os adquirentes adxudicatarios ou promotores individuais para uso propio non sexan titulares

de pleno dominio ou dun dereito real de uso ou desfrute sobre algunha outra vivenda suxeita ó réxime de protección pública; nin o sexan sobre unha vivenda libre na mesma localidade na que se sitúa a vivenda obxecto da actuación protexida, cando o valor de dita vivenda libre, determinado de acordo coa normativa do imposto sobre transmisións patrimoniais, exceda do 40 por 100 do prezo máximo total de venda da vivenda obxecto da actuación protexida ou, do 60 por 100 no caso das familias numerosas. Todo iso, sen perxuízo das condicións establecidas para o primeiro acceso á vivenda en propiedade.

c) Que os adquirentes adxudicatarios e promotores individuais para uso propio das vivendas, teñan ingresos familiares, determinados segundo se establece no artigo 12 do Real decreto 1/2002, e no artigo 10º deste decreto, que non excedan de 5,5 veces o salario mínimo interprofesional para a obtención do préstamo cualificado; de 4,5 veces o salario mínimo interprofesional para seren beneficiarios, cando se trate do primeiro acceso a vivenda en propiedade, de subsidios de préstamo e, se é o caso, de axudas estatais directas especiais á entrada, ás que se refire o artigo 19 do Real decreto 1/2002 e de subvencións autonómicas que se contemplan no artigo 20º deste decreto; de 3,5 veces o salario mínimo interprofesional para seren beneficiarios, cando se trate do primeiro acceso á vivenda en propiedade, de axudas estatais directas básicas á entrada, igualmente establecida no citado artigo 19 do real decreto e de subvencións establecidas no referido artigo 20º deste decreto; de 2,5 veces o

salario mínimo interprofesional para seren beneficiarios, cando se trate do primeiro acceso á vivenda en propiedade, das subvencións igualmente establecidas no artigo 20º do decreto; 1,5 veces o salario mínimo interprofesional para seren beneficiarios, cando se trate do primeiro acceso á vivenda en propiedade, das subvencións para situacións de emerxencia social así mesmo establecidas no citado artigo 20º.

Todo iso con independencia do establecido, a este respecto, en materia de rehabilitación.

d) Que os adquirentes, adxudicatarios e promotores individuais para uso propio non teñan obtido previamente financiamento cualificado, ó abeiro de plans estatais de vivenda, durante os dez anos anteriores á solicitude actual dela. Non será preciso cumprir esta condición cando a nova solicitude de financiamento cualificado se deba á adquisición ou rehabilitación dunha vivenda, para destinala a residencia habitual e permanente, noutra localidade, como consecuencia do cambio de residencia do titular, ou cando se trate dunha familia numerosa que acceda a unha vivenda de maior superficie da que posuía. En calquera caso, será precisa a previa cancelación do préstamo cualificado anteriormente obtido e a devolución, agás no suposto de familias numerosas, das axudas económicas directas obtidas, actualizadas cos xuros legais.

e) Que as vivendas non excedan dos prezos máximos de venda, adxudicación ou renda que, segundo os casos, se establecen neste decreto.

f) Que as vivendas non excedan das seguintes superficies útiles máximas, sen perxuízo do establecido polo Real decreto 1/2002, para as actuacións de rehabilitación:

1º) 90 metros cadrados, con carácter xeral.

2º) 120 metros cadrados, cando se trate de familias numerosas. A este respecto, os promotores poderán incluír, en cada promoción, para os efectos da súa adquisición por familias numerosas, ata un 15 por 100 de vivendas cunha superficie útil que non exceda de 120 metros cadrados, ás que lles será aplicable, ademais dos requisitos relativos a publicidade e información específica que poidan establecerse, o disposto no artigo 23 b) do Real decreto 1/2002.

No suposto do promotor individual para uso propio con familia numerosa, a vivenda tamén poderá ter unha superficie útil de ata 120 metros cadrados.

Para o cómputo da superficie útil aplicarase a normativa propia da Comunidade Autónoma ou, no su defecto, as normas establecidas para as vivendas de protección oficial no artigo 4 do Real decreto 3148/1978, do 10 de novembro.

g) Que as vivendas obxecto das axudas se dediquen a residencia habitual e permanente dos seus destinatarios. As vivendas promovidas ou rehabilitadas para uso propio e as adquiridas destinaranse a residencia habitual e permanente do propietario e as promovidas para arrendamento, do alugueiro.

2. O incumprimento das condicións citadas e de calquera outro requisito esixido para cada unha das actuacións protexidas obxecto de financiamento cualificado, mesmo a non obtención de cualificación ou declaración definitiva das actuacións de rehabilitación, comportará, en todo caso, ademais das sancións que correspondan de conformidade coa natureza da infracción cometida, a perda da condición de préstamo cualificado e a interrupción da subsidiación outorgada, así como o reintegro das cantidades feitas efectivas en concepto de axudas económicas directas, incrementadas cos xuros legais desde a súa percepción.

Artigo 7º.-Primeiro acceso á vivenda en propiedade.

1. Poderán acollerse ó sistema de axudas específicas para o primeiro acceso a vivenda en propiedade, os adquirentes, adxudicatarios e promotores individuais para uso propio das vivendas protexidas previstas neste decreto con ingresos familiares corrixidos que non excedan de 4,5 veces o salario mínimo interprofesional e que non teñan ou non tiveran anteriormente vivenda en propiedade, ou que, téndoa, os seus titulares non dispoñan do seu dereito de uso ou desfrute ou o valor da vivenda, determinado de acordo coa normativa do imposto sobre transmisións patrimoniais, non exceda do 25 por 100 do prezo máximo total de venda da vivenda obxecto da actuación protexida.

2. Así mesmo, poderán acollerse ó sistema de financiamento cualificado para o primeiro acceso á vivenda en propiedade aquelas familias numerosas, con ingresos familiares non superiores ós indicados no punto 1 deste artigo, que vaian adquirir unha

vivenda de maior superficie útil que a que teñen ou tivesen previamente en propiedade, sempre que o valor desta última, libre ou protexida, determinado como se indica no citado punto 1, non exceda do 40 por 100 do prezo máximo total de venda da vivenda obxecto da actuación protexida. No caso de que a vivenda posuída en propiedade estivera suxeita a algún réxime de protección pública, será preciso o seu alleamento, sen devolución das axudas estatais percibidas, previamente á adquisición da nova vivenda.

Artigo 8º.-Zonas territoriais.

1. Para os efectos de determina-los prezos máximos de venda ou adxudicación e renda das vivendas obxecto de actuacións protexidas conforme o previsto no Real decreto 1/2002, do 11 de xaneiro, establécense as seguintes zonas territoriais:

Zona 1ª: comprende os municipios que se relacionan no anexo.

Zona 2ª: resto de municipios de Galicia.

2. Dentro dos municipios da zona territorial 1ª establécense os grupos que se especifican no artigo 8 do Real decreto 1/2002, do 11 de xaneiro, para os efectos de declaración e, se é o caso, como municipios singulares polo Ministerio de Fomento a proposta da Comunidade Autónoma.

Artigo 9º.-Prezo máximo de venda ou adxudicación.

1. Tomando como referencia o prezo básico establecido no artigo 7 do Real decreto 1/2002, do 11 de xaneiro, o prezo máximo de venda ou adxudicación, por metro cadrado de superficie útil, das vivendas de nova construcción declaradas protexidas pola Comunidade Autónoma así como doutras vivendas existentes, para os efectos da súa adquisición protexida, en cada unha das zonas territoriais que se establecen no artigo anterior, será a seguinte:

Zona 1ª: 1,56 polo prezo básico vixente.

Zona 2ª: 1,40 polo prezo básico vixente.

2. O prezo máximo de venda das vivendas declaradas protexidas pola Comunidade Autónoma a que se fai referencia no artigo 40º deste decreto sobre urbanización protexida do solo, non excederá, por metro cadrado de superficie útil, de 1,125 veces o prezo básico vixente a nivel nacional na zona territorial 1ª e de 1,02 veces na zona territorial 2ª.

3. No suposto de declaración de municipio singular, as porcentaxes que para cada un dos grupos se especifican no artigo 8 do Real decreto 1/2002, aplicaranse sobre o prezo máximo que corresponda á zona territorial.

Malia o anterior, as ditas porcentaxes non serán de aplicación ás vivendas que se constrúan en solos creados coa intervención de entes públicos ou en solos de titularidade pública alleados para a promoción de vivendas de protección pública.

4. Na declaración provisional de vivendas declaradas protexidas pola Comunidade Autónoma, farase consta-lo prezo máximo de venda ou renda.

5. Nas promocións de vivendas declaradas protexidas pola Comunidade Autónoma para venda ou para uso propio será obrigatoria a vinculación por

vivenda dunha praza de garaxe e un rocho, sempre que as ordenanzas municipais esixan esta dotación, o cal deberá constar con tal carácter no proxecto e rexistralmente, sexan ou non obxecto de financiamento cualificado. O prezo máximo de venda por metro cadrado de superficie útil deles, que figurará así mesmo na declaración provisional da vivenda, aínda no suposto de que non se esixise tal dotación, non poderá exceder do 60 por 100 do prezo máximo de venda por metro cadrado de superficie útil dela.

Para os efectos da determinación do prezo máximo total de venda, só serán computables, como máximo, 8 metros cadrados de superficie útil de rocho e 25 metros cadrados de superficie útil de garaxe, independentemente de que a súa superficie real sexa superior.

Artigo 10º.-Ingresos familiares.

1. Ós ingresos familiares, determinados na forma prevista no artigo 12 do Real decreto 1/2002, do 11 de xaneiro, aplicarase, en función do número de membros da unidade familiar, o seguinte coeficiente multiplicativo corrector:

Familiar de 1 ou 2 membros: 1,00.

Familias de 3 membros: 0,97.

Familias de 4 membros: 0,93.

Familias de 5 membros: 0,88.

Familias de 6 ou máis membros: 0,83.

No caso de que algún membro da unidade familiar estea afectado con minusvalidez, nas condicións establecidas na normativa do imposto sobre a renda das persoas físicas, o coeficiente corrector aplicable será o do tramo seguinte ó que lle correspondese.

2. Con independencia do establecido no punto anterior, á magnitude da renda determinada na forma prevista no punto 1 do artigo 12 do referido real decreto, aplicaranse os seguintes coeficientes multiplicativos correctores:

No suposto de vivendas situadas nun municipio da zona territorial 1ª: 0,80.

No suposto de vivendas situadas nun municipio da zona territorial 2ª: 0,89.

Artigo 11º.-Destino e ocupación das vivendas. Prohibicións á facultade de dispoñer e á descualificación.

1. As vivendas promovidas ou rehabilitadas para uso propio e as adquiridas, sexan para uso propio ou para cesión en arrendamento, destinaranse á residencia habitual e permanente do propietario ou, se é o caso, do alugueiro, e deberán ser ocupadas por eles no prazo de tres meses seguintes a súa entrega, agás que medie xusta causa.

2. Os adquirentes, adxudicatarios e promotores individuais para uso propio, non poderán transmitir inter vivos nin cede-lo uso por ningún título das vivendas para as que obtiveran préstamo cualificado, durante o prazo de dez anos, desde a formalización do dito préstamo. Quedan exceptuadas as familias numerosas, no suposto ó que se refire o punto 2 do artigo 7º deste decreto e poderá deixarse sen

efecto esta prohibición de dispoñer, por poxa e adxudicación da vivenda por execución xudicial do préstamo, por cambio de localidade de residencia do titular da vivenda ou por outros motivos xustificados, logo de autorización da Comunidade Autónoma. En calquera caso, requirirase a previa cancelación do préstamo e reintegro das axudas económicas directas recibidas á Administración estatal e autonómica concedentes en cada caso, incrementadas cos xuros legais desde o momento da percepción.

Unha vez transcorridos dez anos desde a formalización da escritura de compravenda polo adquirente ou adxudicatario ou, da declaración de obra nova no suposto de promoción individual para uso propio, a transmisión inter vivos ou a cesión de uso por calquera título das vivendas a que se refire o punto anterior, suporá a perda da condición de cualificado do préstamo, podendo a entidade concedente determina-la súa resolución.

3. Nas vivendas resultantes de actuacións en solo urbanizado por promotores públicos á que se refiren o artigo 40º e a disposición adicional cuarta deste decreto, o promotor deberá pactar expresamente os dereitos de tanteo e retracto, que deberán ser inscritos no Rexistro da Propiedade a favor do Instituto Galego da Vivenda e Solo, da seguinte forma:

a) Dereito de tanteo cunha vixencia de dez anos. Este dereito poderase exercer no prazo de sesenta días naturais contados desde o día seguinte a aquel no que sexa notificado en forma que dea fe polo vendedor ó Instituto Galego da Vivenda e Solo, a decisión de vender ou dar en pagamento a vivenda, o prezo ofrecido, as condicións esenciais da transmisión e o nome, domicilio e circunstancias do que pretende adquiri-la vivenda.

b) Dereito de retracto en igual prazo de dez anos, de acordo co disposto nos artigos 1.507 e seguintes do Código civil, cando non se fixera a notificación do tanteo prevista no punto anterior, se omitise nela calquera dos requisitos esixidos ou resultase inferior o prezo efectivo da transmisión ou menos onerosas as restantes condicións desta.

En todo caso, o retraente subrogarase nas accións xudiciais ou administrativas que lle poidan corresponder ó comprador para o reintegro das cantidades percibidas en exceso sobre os prezos máximos de venda fixados na lexislación vixente.

O disposto neste punto enténdese sen prexuízo dos dereitos de tanteo e retracto legais establecidos na sección 3ª do capítulo III da Lei 1/1997, do 24 de marzo, do solo de Galicia, sobre transmisión de vivendas suxeitas a protección pública.

4. No caso de segundas ou posteriores transmisións das vivendas suxeitas a réximenes de protección pública, o prezo máximo de venda, por metro cadrado de superficie útil, non poderá supera-lo establecido, así mesmo, por metro cadrado de superficie útil, no artigo 9º deste decreto, para as vivendas declaradas protexidas pola Comunidade Autónoma na

mesma data na que se produza a transmisión e na mesma zona territorial.

Este sistema de prezos máximos de venda será de aplicación mentres dure o réxime legal de protección.

En canto ó suposto de vivendas para a súa cesión en arrendamento ó que se refire o artigo 20.2º do Real decreto 1/2002, do 11 de xaneiro, o prezo máximo de venda será o establecido no dito artigo.

5. A prohibición de dispoñer e as limitacións ás que se refiren os puntos 2, 3 e 4 deste artigo, así como as limitacións e a descualificación do punto5 do artigo 19º farase constar expresamente nas escrituras de compravenda, adxudicación ou declaración de obra nova no suposto de promoción individual para uso propio, e na escritura de formalización do préstamo hipotecario, para os efectos da súa inscrición no Rexistro da Propiedade, onde se fará consta-la prohibición e limitacións á facultade de dispoñer por medio de nota marxinal.

Artigo 12º.-Promotores e adxudicatarios.

1. Poderán ser promotores das actuacións protexidas as persoas físicas ou xurídicas, públicas ou privadas.

2. As referencias que neste decreto se efectúan ós promotores para uso propio aplicaranse, exclusivamente, ás persoas físicas individualmente consideradas ou agrupadas en cooperativas ou en comunidades de propietarios.

3. Para os efectos deste decreto entenderase por adxudicatarios os socios de cooperativas ou membros de comunidades de propietarios, a partir do momento nos que se lles adxudique a propiedade dunha vivenda individualizada.

4. Nas actuacións de rehabilitación de edificios e vivendas, poderán ser promotores tanto os seus propietarios como os arrendatarios das vivendas cando, conforme a lexislación aplicable, poidan estes últimos realiza-las obras protexidas.

Artigo 13º.-Solicitude de axudas.

As solicitudes de axudas para a adquisición de vivendas declaradas protexidas pola Comunidade Autónoma ou para a adquisición protexida doutras vivendas existentes así como para actuacións en rehabilitación de edificios ou vivendas e de solo, presentaranse nas delegacións provinciais do Instituto Galego da Vivenda e Solo que corresponda por razón da situación da vivenda ou por calquera das formas previstas na Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, conforme os modelos establecidos nos anexos deste decreto, acompañadas da documentación que neles se especifica.

Artigo 14º.-Autorización de solicitude de información por parte da Administración.

A solicitude de financiamento cualificado implicará a prestación do consentimento do solicitante, para que o Instituto Galego da Vivenda e Solo poida recadar e facer uso da información de carácter tributario ou económico que fora legalmente pertinente,

no marco de colaboración que se estableza coa Axencia Estatal da Administración Tributaria ou con outras administracións públicas, para o cumprimento dos fins relacionados directamente coas funcións de concesión e pagamento das axudas.

Artigo 15º.-Percepción das subvencións.

1. Resoltas as peticións de subvencións, que serán susceptibles de recurso de alzada, para a percepción delas, os beneficiarios deberán acreditar que se encontran ó corrente das súas obrigas tributarias estatais, autonómicas e da Seguridade Social e que non teñen pendente ningunha outra débeda, por ningún concepto, coa Administración pública da Comunidade Autónoma de Galicia. Igualmente deben presentar unha declaración do conxunto das axudas solicitadas, tanto as aprobadas ou concedidas como as pendentes de resolución, para un mesmo proxecto das distintas administracións públicas competentes ou calquera dos seus organismos, entes ou sociedades.

2. O incumprimento polo beneficiario das condicións establecidas para a concesión das axudas determinará a obriga do reintegro delas.

3. Toda alteración das condicións tidas en conta para a concesión de axudas e, en todo caso, de conformidade co previsto no apartado 3 do artigo 78 do Decreto lexislativo 1/1999, do 7 de outubro, a obtención concorrente de axudas outorgadas por outras administracións ou entes públicos ou privados, nacionais ou internacionais, poderán dar lugar á modificación da resolución de concesión.

4. Os beneficiarios están obrigados a facilitar toda a información que lles sexa requirida pola Intervención Xeral da Comunidade Autónoma o Tribunal de Contas e o Consello de Contas, no exercicio das súas funcións de fiscalización e control do destino das axudas.

Capítulo II

Vivendas de protección autonómica

Artigo 16º.-Concepto.

Son vivendas de protección autonómica as vivendas de protección pública de nova construcción declaradas protexidas pola Comunidade Autónoma, destinadas, obteñan ou non financiamento cualificado, a domicilio habitual e permanente de adquirentes, adxudicatarios, promotores para uso propio ou arrendatarios con ingresos familiares que non excedan de 5,5 veces o salario mínimo interprofesional.

A superficie útil máxima non poderá exceder de 90 metros cadrados, excepto nos supostos previstos no artigo 6 f) sobre familias numerosas.

Artigo 17º.-Declaración provisional.

1. Para obte-la declaración provisional de vivendas protexidas de protección autonómica os promotores deberán presentar solicitude axustada ó modelo oficial que se establece no anexo, xunto con:

a) Documentación acreditativa da personalidade do solicitante e, se é o caso, da representación que ostente.

b) Certificado do Rexistro da Propiedade acreditativo da titularidade dos terreos e da liberdade de cargas e gravames. No suposto de non seren titulares os solicitantes, deberán presentar promesa de venda o séu favor.

c) Proxecto básico de execución visado polo colexio profesional correspondente.

d) Licencia municipal de obras.

2. A solicitude de declaración de vivendas protexidas de nova construcción poderá efectuarse para todo o edificio ou só por escaleiras ou andares enteiros.

3. Admitiranse como rochos anexos ás vivendas os locais destinados para este fin exclusivo, sen incorporación posible a aquelas, e que teñan un acceso directo desde as zonas comúns do edificio, portais, galerías etc. A superficie útil do rocho será, como máximo, o 15 por 100 da superficie útil da vivenda á que está adscrito.

O edificio e as vivendas axustaranse ás disposicións da Lei 8/1997, do 20 de agosto, de accesibilidade e supresión de barreiras na Comunidade Autónoma de Galicia e do seu regulamento, aprobado por Decreto 35/2000, do 28 de xaneiro.

4. A declaración provisional de vivendas de protección autonómica efectuarase, se procedese, unha vez constatado que se achegou a documentación esixible, que a superficie útil das vivendas non excede dos metros cadrados máximos autorizables, que o edificio e as vivendas que se protexen cumpran a normativa sobre accesibilidade e supresión de barreiras arquitectónicas da Comunidade Autónoma e tendo en conta, se é o caso, o especificado sobre rochos, no prazo máximo de tres meses contados desde a presentación da solicitude. Transcorrido o dito prazo sen que recaese resolución expresa, os interesados poderán entender desestimada a declaración.

A denegación da declaración provisional será motivada e susceptible de recurso de alzada.

Artigo 18º.-Declaración definitiva.

1. Dispoñerase dun prazo máximo de trinta meses, a partir da declaración provisional de vivendas de protección autonómica, para solicita-la declaración definitiva. Este prazo poderase ampliar en seis meses por causa xustificada.

Cando se trate de promocións que se vaian executar por fases, a primeira gozará do prazo antes indicado e as demais fases disporán dun prazo máximo de 24 meses desde o comezo de cada unha delas.

Unha vez finalizadas as obras dentro do prazo fixado os promotores deberán solicita-la declaración definitiva, no modelo que se especifica no anexo, xunto coa seguinte documentación:

a) Licencia municipal de primeira ocupación.

b) Proxecto de execución final visado polo colexio profesional correspondente, con indicación, se é o caso, das modificacións habidas que afecten á licencia municipal de obras inicialmente outorgada.

c) Fotocopia compulsada da escritura de obra nova e división horizontal inscrita no Rexistro da Propiedade e no suposto de promoción individual para uso propio da escritura de obra nova.

d) Certificado do facultativo-director acreditativo da terminación e disposición para o correcto uso das obras de edificación, as de urbanización e dos correspondentes servicios.

e) No suposto de promoción de aloxamentos para aluguer, certificado do facultativo-director de que se cumpre a normativa establecida no artigo 22º.3 deste decreto.

f) Póliza de seguro de incendios ou documento que acredite a súa formalización.

g) Se é o caso, contratos de compravenda ou títulos de adxudicación subscritos cos adquirintes ou adxudicatarios e visados pola delegación provincial do Instituto Galego da Vivenda e Solo, nos que expresamente se fixe o prezo de venda ou adxudicación.

2. Comprobada a documentación e, se é o caso, logo das inspeccións oportunas, concederase ou denegarase a declaración definitiva no prazo de tres meses desde a data de solicitude, transcorrido o cal, sen ter recibida resolución expresa, os interesados poderán entender desestimada a declaración.

A denegación da declaración definitiva, que será motivada e susceptible de recurso de alzada, suporá a devolución, se é o caso, das axudas económicas percibidas con xuros legais desde a data da súa percepción.

3. Na declaración definitiva deberá facerse consta-lo expediente de construcción, a identificación do promotor, a localización das vivendas, o seu número, datos rexistrais, a data de declaración provisional e de terminación das obras, as limitacións a que están suxeitas as vivendas, o prazo de duración da dita suxeición, o prezo máximo de venda ou renda e os demais datos e circunstancias que, por aplicación das normas deste decreto e do Real decreto 1/2002, do 11 de xaneiro, deban constar.

4. Cando a construcción se executase por fases, cada fase será obxecto dunha declaración.

Artigo 19º.-Réxime legal.

1. O réxime legal das vivendas de protección autonómica, que se establecerá na declaración definitiva farase extensivo ó período de amortización do préstamo inicialmente fixado na declaración provisional e, en todo caso, terá unha duración mínima de quince anos.

2. As vivendas de protección autonómica poderán destinarse a venda, aluguer ou uso propio, debendo respectarse o destino establecido na declaración definitiva durante o tempo que dure o réxime da protección. Nembargantes, os promotores que non alleasen as destinadas a venda transcorrido un ano desde a declaración definitiva poderán alugalas, sendo a renda máxima a que corresponda ás vivendas en réxime de aluguer con préstamo a dez anos. Con respecto ás destinadas a aluguer por prazo de dez

anos, transcorrido este e en tanto non finalice o réxime legal poden mante-lo dito uso ou vendelas.

Así mesmo, as vivendas destinadas a aluguer poderán ser alleadas polos seus promotores, logo de autorización da Comunidade Autónoma, individualmente ou por promocións completas subrogándose o adquirente nos dereitos e obrigas do promotor.

As vivendas vinculadas ó réxime de aluguer por prazo de vintecinco anos, poderán allearse ós arrendatarios na proporción e condicións establecidas no artigo 20.2º do Real decreto 1/2002, do 11 de xaneiro, logo de notificación á Comunidade Autónoma. No suposto de que o arrendatario non comprase a vivenda, o alugador pode optar por continuar coa explotación dela en réxime de aluguer ou vendela, logo de autorización da Comunidade Autónoma, nos termos previstos no referido artigo.

3. As vivendas de protección autonómica, en tanto dure o seu réxime legal, deberán dedicarse a domicilio habitual e permanente dos adquirentes, adxudicatarios, promotores individuais para uso propio ou dos arrendatarios, no caso de que se promovan para aluger e manterán as condicións de uso e prezos máximos establecidos quedando prohibido todo sobreprezo ou prima no arrendamento ou venda. Entenderase como sobreprezo o percibo de cantidades superiores ás fixadas na declaración definitiva e ás que sexan esixibles de acordo co establecido neste decreto, aínda cando a percepción o sexa a título de préstamo, depósito, fianza ou entrega á conta non autorizada, prezo de arrendamento de mobles, prestación de servicios non incluídos neste decreto ou mellora de calidades existentes.

4. Os contratos de compravenda e arrendamento das vivendas de protección autonómica deberán incluí-las seguintes cláusulas:

a) Que a vivenda se utilice como domicilio habitual e permanente do adquirente, adxudicatario ou arrendatario e os prezos de venda, ou renda non excedan dos límites establecidos.

b) Que o adquirente ou arrendatario se obrigue a ocupa-la vivenda no prazo máximo de tres meses a partir da entrega das chaves, agás que medie xusta causa.

c) Que o vendedor ou o arrendador se obrigue a poñer á disposición do adquirente ou arrendatario un exemplar do contrato, debidamente visado pola delegación provincial do Instituto Galego da Vivenda e Solo.

d) Nos contratos de arrendamento, que o subarrendamento total ou parcial da vivenda dará lugar á resolución do contrato.

e) Se o promotor percibe dos adquirentes ou adxudicatarios antes ou durante o período de construcción parte do prezo das vivendas, deberá facerse constar esta circunstancia nos contratos de compravenda ou adxudicación.

Estas obrigas serán directamente esixidas ós vendedores e arrendadores.

Os contratos de compravenda e de arrendamento de vivendas de protección autonómica terán que ser visados polas delegacións provinciais do Instituto Galego da Vivenda e Solo, unha vez obtida a correspondente cédula de declaración provisional ou definitiva. O vendedor ou arrendador disporá do prazo dun mes, a partir do seu outorgamento, para solicita-lo visado.

Para proceder ó visado dos contratos de compravenda ou adxudicación nos que se estipule a entrega de cantidades á conta do prezo da vivenda, antes de iniciarse a construcción ou durante ela, será preciso acredita-la garantía que fose constituída en previsión da devolución dos importes recibidos, conforme establece a Lei 57/1968, do 27 de xullo, que regula a percepción de cantidades anticipadas na súa construcción e venda, dando lugar, de non facerse así, á denegación do visado, con independencia das responsabilidades a que houber lugar conforme o previsto no Real decreto 515/1989, do 21 de abril, sobre protección dos consumidores en canto á información que se subministre na compravenda e arrendamento das vivendas.

5. As vivendas de protección autonómica non poderán ser obxecto de descualificación voluntaria por petición dos propietarios ata transcorridos quince anos contados desde a súa declaración definitiva.

Finalizado o dito período de tempo, agás aquelas que estean vinculadas para a súa cesión en arrendamento, poden ser obxecto de descualificación sempre que dela non se deriven prexuízos para terceiros.

A descualificación implicará a previa cancelación do préstamo cualificado e a devolución das axudas e beneficios recibidos cos seus xuros legais correspondentes.

Artigo 20º.-Recoñecemento de axudas.

1. O Instituto Galego da Vivenda e Solo, cando se cumpran os requisitos establecidos neste decreto e no Real decreto 1/2002, do 11 de xaneiro, recoñeceralles ós promotores, adquirentes ou adxudicatarios de vivendas de protección autonómica o dereito a solicitar préstamos cualificados nos termos previstos no referido real decreto.

2. Así mesmo, con cargo ós orzamenos do Ministerio de Fomento recoñecerá:

2.1. Ós adquirentes, adxudicatarios e promotores individuais para uso propio de vivendas de protección autonómica acollidos ó sistema de financiamento para o primeiro acceso a vivenda en propiedade, que obtiveran préstamo cualificado e cumpran os requisitos establecidos neste decreto e no Real decreto 1/2002, do 11 de xaneiro, o dereito á percepción das seguintes axudas:

a) Subsidiación das cotas de amortización de capital e xuros (ou só de xuros se é o caso) do préstamo cualificado, establecida no artigo 18.1º, parágrafo primeiro do citado real decreto, compatible coas axu

das estatais directas á entrada ás que se refire o artigo 19º.

b) Subsidiación alternativa establecida no artigo 18.1º parágrafo terceiro do referido real decreto, incompatible coa axuda estatal directa á entrada na súa contía básica.

Cando se trate dunha familia numerosa, a porcentaxe de subsidiación correspondente en cada caso incrementarase adicionalmente en 5 puntos porcentuais durante os primeiros cinco anos do período de amortización do préstamo cualificado.

c) Axudas estatais directas á entrada nos termos e contía que se determina nos artigos 18 e 19 do Real decreto 1/2002, do 11 de xaneiro.

2.2. Ós promotores de vivendas con destino a arrendamento que cumpran os requisitos establecidos neste decreto e no Real decreto 1/2002, do 11 de xaneiro, o dereito á percepción das seguintes axudas:

a) Subsidiación do préstamo cualificado nos termos previstos no artigo 21 do citado real decreto.

b) Subvención nunha contía do 15 por 100, se o préstamo fose a 10 anos, ou do 20 por 100 se o préstamo fose a 25 anos, do prezo máximo de venda ó que se refire o artigo 20, punto 2º, último parágrafo do referido real decreto, tal como se establece no seu artigo 21 do mesmo, sempre que as vivendas non excedan de 70 metros cadrados útiles.

3. Axudas públicas da Comunidade Autónoma.

3.1. O Instituto Galego da Vivenda e Solo, con cargo ós seus orzamentos, poderá conceder subvencións, nas contías que máis adiante se indican, ós adquirentes, adxudicatarios e promotores individuais para uso propio de vivendas de protección autonómica, acollidos ó sistema de financiamento para o primeiro acceso á vivenda en propiedade, que obtiveran préstamo cualificado, que cumpran os requisitos de ingresos familiares e reúnan unha ou varias das circunstancias persoais ou familiares que se especifican:

a) A solicitantes con ingresos familiares, determinados segundo se establece no artigo 12 do Real decreto 1/2002, do 11 do xaneiro e 10º deste decreto, que non excedan de 2,5 veces o salario mínimo interprofesional: 2.104 euros.

b) A mozos con idade non superior a trinta e cinco anos con ingresos familiares, determinados segundo se establece no artigo 12 do Real decreto 1/2002, do 11 de xaneiro e 10º deste decreto, que non excedan de 3,5 veces o salario mínimo interprofesional e que acheguen a totalidade ou a maior parte dos ingresos: 1.804 euros.

c) A familias que acrediten estar en posesión do título de familia numerosa expedido polo departamento correspondente da Xunta de Galicia:

-Con tres ou catro fillos: 1.804 euros.

-Con cinco ou máis fillos: 3.607 euros.

d) Á unidade familiar formada unicamente polo pai ou a nai e os fillos, ou na unidade familiar que haxa persoas con minusvalidez nas condicións establecidas na lexislación sobre o imposto sobre a renda das persoas físicas, ou que a unidade familiar teña ó seu cargo a algunha persoa de máis de sesenta e cinco anos: 1.804 euros.

e) A solicitantes con ingresos familiares, determinados segundo se establece no artigo 12 do Real decreto 1/2002, do 11 do xaneiro, e artigo 10º deste decreto que non excedan de 1,5 veces o salario mínimo interprofesional e se encontren nalgunha das situacións de emerxencia social que a continuación se indican, o 25 por 100 do prezo total da vivenda que figura na correspondente escritura de compravenda ou adxudicación ou, no caso de promoción individual para uso propio, da suma dos valores da edificación e do solo que constaran na escritura de obra nova.

A contía desta subvención terá un límite absoluto de 16.500 euros e estará condicionada a que o solicitante opte pola subsidiación alternativa da cota do artigo 18.1º terceiro parágrafo do citado Real decreto 1/2002, incompatible coa axuda estatal directa á entrada na súa contía básica.

Para os efectos da obtención desta subvención consideranse de emerxencia social as seguintes situacións:

1. A utilización, durante polo menos os dous anos anteriores ó momento da solicitude, de chabolas como única vivenda, entendendo por chabolas aqueles habitáculos que non reunindo as características de vivenda nin sendo susceptibles de converterse en tales son utilizados como morada humana.

Para o recoñecemento da dita situación será necesario o informe social e económico do correspondente concello sobre a familia afectada, así como sobre a súa situación legal de residencia e capacidade de integración.

2. Os emigrantes galegos retornados nos dous anos anteriores no momento da solicitude en especial situación de necesidade.

Para o recoñecemento da dita situación será necesario o informe que así o acredite da Consellería de Emigración e Cooperación Exterior.

Estas axudas serán acumulables entre si, exceptuando as establecidas no punto e) que serán incompatibles coas do punto a).

Artigo 21º.-Concesión de subvencións.

1. A concesión de subvencións ós promotores de vivendas destinadas a arrendamento efectuarase unha vez obtida a declaración definitiva. Agora ben, o Ministerio de Fomento poderá autoriza-lo anticipo da subvención ó promotor, logo de certificación do inicio das obras nos termos que se especifican no punto 3º do artigo 21 do Real decreto 1/2002, do 11 de xaneiro.

2. A concesión de subvencións a promotores individuais para uso propio, adquirentes ou adxudicatarios efectuarase:

a) Cando se trate de promotores individuais para uso propio, unha vez obtida a declaración definitiva da vivenda e acreditada a obtención do préstamo cualificado.

b) No caso de adquirentes ou adxudicatarios, cando se achegue a escritura pública inscrita no rexistro da propiedade que acredite a transmisión da vivenda e a obtención do préstamo cualificado.

Estas circunstancias deberán acreditarse no prazo máximo de catro meses contados, desde a data da declaración definitiva, no caso de promotores individuais para uso propio ou, desde a formalización da escritura pública de compravenda e do préstamo cualificado, no suposto de adquirentes ou adxudicatarios.

3. En todo caso a concesión das subvencións estará condicionada á existencia de crédito orzamentario na partida correspondente, polo que, se no momento en que se achegue a documentación esixible non existira crédito suficiente, resolverase cando a cobertura orzamentaria o permita.

Capítulo III

Aloxamentos declarados protexidos

Artigo 22º.-Aloxamentos declarados protexidos.

Os aloxamentos declarados protexidos que se promovan para o seu destino en aluguer ou outras formas de explotación terán as seguintes características:

1. A superficie útil non poderá ser superior a 50 metros cadrados.

2. A superficie protexida para os efectos de financiamento cualificado non excederá de 40 metros cadrados útiles.

Esta superficie protexida poderase incrementar ata un máximo do 20 por 100 co fin de incluí-la correspondente ós servicios comúns.

3. Será de aplicación a estes aloxamentos a normativa autonómica sobre habitabilidade das vivendas establecida no anexo do Decreto 311/1992, do 12 de novembro.

4. Non serán obxecto de financiamento garaxes, rochos ou outros locais, agás o previsto no parágrafo segundo do punto 2.

Artigo 23º.-Destino dos aloxamentos.

Os aloxamentos só poderán ser cedidos en arrendamento a persoas maiores de 60 anos e mozos con idades comprendidas entre os 18 e 35 anos, sempre que os seus ingresos ou os da unidade familiar á que pertenzan non superen 5,5 veces o salario mínimo interprofesional no suposto das persoas maiores de 60 anos, e non superen 3,5 veces o salario mínimo interprofesional cando se trata de mozos con idades comprendidas entre os 18 e 35 anos.

Artigo 24º.-Condicións dos arrendamentos.

1. A renda anual máxima inicial será o 4 por 100, cando o préstamo cualificado teña 25 anos de amortización, e o 7 por 100, cando o préstamo sexa a 10 anos, do prezo legal máximo, por metro cadrado de superficie útil, resultante de multiplica-lo prezo básico a nivel nacional vixente no momento da declaración definitiva da vivenda por 1,25.

2. A renda inicial poderase actualizar anualmente en función das variacións porcentuais do índice nacional xeral do sistema de índices de prezos ó consumo.

3. O arrendador poderá percibir, ademais da renda inicial ou revisada que corresponda, o custo real dos servicios de que goce o arrendatario voluntariamente e sexan satisfeitos polo arrendador, así como as demais repercusións autorizadas pola lexislación aplicable.

4. O propietario deberá entregarlles ós arrendatarios os aloxamentos en condicións axeitadas de uso e conservación. Así mesmo, deberá solicita-lo visado dos contratos, achegando a documentación necesaria para que a Administración poida comprobar que os arrendatarios cumpren os requisitos establecidos por este decreto.

5. En garantía do bo mantemento e do uso axeitado do aloxamento deberá ser depositada por parte do arrendatario unha fianza por un importe dunha mensualidade, de acordo co disposto na normativa aplicable en materia de fianzas.

6. A duración e prórroga dos contratos de arrendamento rexerase polo establecido na vixente Lei de arrendamentos urbanos. Nembargantes, no caso de que os aloxamentos sexan destinados a mozos, para a súa prórroga deberá terse sempre en conta o límite de idade fixado.

Artigo 25º.-Aloxamentos destinados a universitarios.

1. Cando as actuacións protexidas recollidas neste capítulo sexan promovidas pola universidade, ou entidades ou empresas que colaboren con ela, xa sexan de titularidade pública ou privada, e se destinen a estudiantes universitarios, os límites de ingresos para mozos con idades comprendidas entre os 18 e os 35 anos a que se refire o artigo 23º, non se terán en conta.

2. Así mesmo, en relación co establecido no artigo 24º.6, os contratos terán carácter anual, se ben poderán prolongarse durante o período en que duren os estudios universitarios.

3. Para o acceso a estes aloxamentos a universidade establecerá as condicións de tutela e baremación.

Artigo 26º.-Axudas.

1. O Instituto Galego da Vivenda e Solo, cando se cumpran os requisitos establecidos neste decreto e no Real decreto 1/2002, do 11 de xaneiro, recoñecerá ós promotores destas actuacións en réxime de aluguer o dereito a solicitar préstamos cualificados nos termos previstos no referido real decreto.

2. Así mesmo, con cargo os orzamentos do Ministerio de Fomento, recoñecerá o dereito a que perciban a subsidiación dos préstamos obtidos establecida no punto 2º do artigo 21 do referido real decreto e unha subvención nunha contía do 15 por 100, se o préstamo fora a 10 anos, ou do 20 por 100 se o préstamo fora a 25 anos, do prezo máximo de venda ó que se refire o artigo 20, punto 2º, último parágrafo, tal como se establece no artigo 21 punto 3º.

3. O Instituto Galego da Vivenda e Solo con cargo ós seus orzamentos subvencionará en calquera caso, nunha contía do 20 por 100 do prezo máximo de venda establecido no artigo 20, punto 2º, último parágrafo do Real decreto 1/2002, do 11 de xaneiro, ós promotores destas actuacións que cumpran os requisitos esixidos neste decreto e no citado real decreto.

4. A concesión das subvencións con cargo ós orzamentos do Ministerio de Fomento efectuarase segundo o previsto no punto 1 do artigo 21º deste decreto.

5. A concesión de subvencións con cargo ós orzamentos do Instituto Galego da Vivenda e Solo efectuarase unha vez obtida a cédula de declaración definitiva.

6. En canto á concesión das subvencións seguirase, en todo caso, o establecido no punto 3 do artigo 21º deste decreto.

Artigo 27º.-Procedemento e réxime legal.

No que atinxe ó procedemento para a declaración provisional e definitiva dos aloxamentos declarados protexidos seguirase o previsto nos artigos 17º e 18º deste decreto. En canto ó réxime legal será de aplicación o establecido no artigo 19º, exceptuando o parágrafo terceiro do punto 2.

Capítulo IV

Adquisición protexida doutras vivendas existentes

Artigo 28º.-Actuacións protexidas.

Para os efectos deste decreto considérase adquisición protexida de vivendas existentes, as reguladas no artigo 23 do Real decreto 1/2002, do 11 de xaneiro.

Artigo 29º.-Prezo máximo de venda.

1. O prezo máximo de venda, por metro cadrado de superficie útil, das vivendas existentes será o establecido no punto 1 do artigo 9º deste decreto no momento no que teña lugar o contrato de opción de compra ou compravenda visado. Con respecto ós garaxes e rochos aplicarase o punto 5 do referido artigo.

2. No caso doutras vivendas existentes acollidas a algún réxime de protección pública, o prezo máximo de venda será o que se corresponda segundo as normas específicas que lle sexan de aplicación, sempre que o seu prezo de venda non exceda dos máximos establecidos no punto anterior.

Artigo 30º.-Requisitos para acceder ó financiamento cualificado.

Ademais das condicións xerais para acceder ó financiamento cualificado establecidas no artigo 6º desta disposición, para a adquisición protexida doutras vivendas existentes é necesario:

a) Que o contrato de opción de compra ou compravenda recolla as cláusulas obrigatorias establecidas no artigo 19º para as vivendas de declaración autonómica.

b) Que o referido contrato sexa visado pola correspondente delegación provincial do Instituto Galego da Vivenda e Solo.

c) Que entre a celebración do contrato e a solicitude do visado non transcorreran máis de catro meses.

d) Se o vendedor recibira préstamo cualificado para a mesma vivenda deberán cancelalo previa ou simultaneamente á formalización do préstamo ó adquirente, agás no suposto contemplado no artigo 23 d) do Real decreto 1/2002, do 11 de xaneiro.

En todo caso, o prazo de validez do visado para solicita-lo préstamo cualificado será de seis meses, agás que, por causa non imputable ó adquirente a delegación provincial do Instituto Galego da Vivenda e Solo dispoña unha prórroga.

Artigo 31º.-Recoñecemento das axudas e concesión de subvencións.

1. O Instituto Galego da Vivenda e Solo, cando se cumpran os requisitos establecidos neste decreto e no Real decreto 1/2002, do 11 de xaneiro, recoñeceralles ós adquirentes de vivendas existentes o dereito a solicitar préstamos cualificados nos termos previstos no referido real decreto.

2. A subsidiación dos préstamos cualificados obtidos así como todo o relativo á axuda estatal directa á entrada e subvencións da Comunidade Autónoma, adecuaranse ó establecido nos artigos 18 e 19 do Real decreto 1/2002, do 11 de xaneiro, para adquirentes de vivendas protexidas de nova construcción, en primeiro acceso á vivenda en propiedade e artigo 20º deste decreto para adquirentes de vivendas de protección autonómica de nova construcción igualmente en primeiro acceso en propiedade. Cando as vivendas sexan adquiridas por familias numerosas, aquelas poderán ter unha superficie útil de ata 120 metros cadrados.

Para as vivendas ás que se refire o artigo 23 b) do real decreto, poderá obterse o financiamento cualificado correspondente a 90 metros cadrados útiles, con independencia de que a superficie real, dentro dos límites establecidos no dito artigo, sexa maior.

3. A concesión das subvencións efectuarase cando se achegue a escritura pública inscrita no rexistro da propiedade que acredite a transmisión da vivenda e a obtención do préstamo cualificado.

Estas circunstancias deberán acreditarse no prazo máximo de catro meses contados desde a formalización do préstamo cualificado.

4. En canto á concesión das subvencións seguirase igualmente o establecido no citado artigo 21º, punto 3 do presente decreto.

Capítulo V

Actuacións protexidas en materia de rehabilitación

Sección primeira

Disposicións comúns

Artigo 32º.-Actuacións protexidas.

Considéranse actuacións protexidas a rehabilitación de áreas urbanas en proceso de degradación, de edificios e de vivendas.

Artigo 33º.-Calificación provisional.

1. Á vista da documentación achegada e das inspeccións que, se é o caso, se consideren necesarias, e comprobado que se cumpren os requisitos establecidos con carácter xeral para o financiamento cualificado de aplicación para actuacións de rehabilitación e os específicos do capítulo V do Real decreto 1/2002, do 11 de xaneiro, así como os que se establecen ó respecto neste decreto, no prazo de tres meses, contados desde a presentación da solicitude, efectuarase a calificación de actuación protexida de rehabilitación. Transcorrido o dito prazo sen que recaese resolución expresa, os interesados poderán entender desestimada a calificación.

2. O prazo de execución das obras non poderá exceder de 18 meses. A petición motivada do promotor da actuación e por causa xustificada, poderá concederse unha ampliación do prazo que non excederá da metade do inicialmente concedido.

3. O incumprimento de calquera dos requisitos establecidos no citado real decreto ou neste decreto ou, o feito de que as obras de rehabilitación solicitadas estivesen realizadas con anterioridade ó momento da solicitude, será motivo de denegación de cualificación provisional. A denegación deberá motivarse e será susceptible de recurso de alzada.

Artigo 34º.-Cualificación definitiva.

1. Finalizado o prazo de execución das obras de rehabilitación, o promotor das actuacións dispoñerá dun mes para comunica-lo seu remate. Coa dita comunicación deberá acreditar que obtivo a preceptiva licencia municipal de obras e que as actuacións executadas se axustan ás cualificadas provisionalmente, se ben, se terá en conta o previsto no punto 3.

A inactividade do promotor poderá dar lugar á denegación da cualificación definitiva por incumprimento das condicións da cualificación provisional.

2. Comprobada a documentación e logo de inspección das obras, no caso de que se considere necesaria, concederase ou denegarase a cualificación definitiva no prazo de tres meses contados desde a data na que se presente a comunicación de terminación das obras, transcorrido este, sen ter recibida resolución expresa, os interesados poderán entender desestimada a cualificación.

3. Será causa de denegación non executa-las obras dentro do prazo concedido. Nembargantes, poderá outorgarse a cualificación definitiva naqueles casos en que, conseguida a seguridade estructural e a habitabilidade da vivenda e cumpridos os demais requisitos, se comprobe que as obras executadas de entre as aprobadas chegan como mínimo ó 75 por 100 do orzamento protexido. A denegación deberá motivarse e será susceptible de recurso de alzada.

Sección segunda

Rehabilitación de edificios e vivendas

Artigo 35º.-Modalidades de actuación.

1. A rehabilitación de edificios e vivendas comprende as actuacións que cumpren as condicións que para a cualificación de actuacións protexidas establece o Real decreto 1/2002, do 11 de xaneiro. Ademais das actuacións contempladas no artigo 31 do dito real decreto, consideraranse protexidas a instalación, reposición, rehabilitación e adaptación á normativa vixente de ascensores e sistemas de calefacción individual ou colectivo así como as destinadas á restauración de fachadas e carpinterías exteriores e á realización de obras complementarias, tales como:

a) As que teñan por obxecto a adecuación dos patios para uso comunitario que formen parte do propio predio.

b) As que fosen requiridas polos valores arquitectónicos, históricos e ambientais dos edificios, de acordo, de se-lo caso, coas ordes particulares de execución de obras que puidesen dictarse en aplicación da normativa vixente.

2. Nos supostos de actuacións de adecuación estructural a que se refire o artigo 31.1º b) e 37.1º do Real decreto 1/2002, do 11 do xaneiro, nos que sexa necesario, para a súa execución o baleiramento total do edificio ou a demolición das fachadas para a súa posterior reposición, as ditas actuacións poderán ser autorizadas polo Instituto Galego da Vivenda e Solo.

3. Para a rehabilitación de edificios e vivendas establécense como prezos máximos os das distintas partidas das bases de datos da construcción de Galicia publicadas, e para as partidas non definidas determinaranse os rendementos por asimilación a outras partidas.

Artigo 36º.-Rehabilitación de vivendas unifamiliares.

Para os efectos do determinado do artigo 36 do Real decreto 1/2002, do 11 de xaneiro, entenderanse comprendidas entre as obras reguladas no artigo 31.1º do referido real decreto as obras que afecten a cubertas, fachadas, carpinteria exterior, calefacción, fosa séptica, depósito de auga que non sexa visible desde o exterior, reforzo e substitución parcial de elementos estructurais.

As actuacións de rehabilitación de vivendas unifamiliares deberán respectar e mante-las caracte

rísticas tipolóxicas valiosas da edificación primitiva, conservando tódolos elementos merecentes de protección polo seu valor artístico, histórico, arquitectónico ou de tipoloxía tradicional.

Artigo 37º.-Recoñecemento de axudas.

O Instituto Galego da Vivenda e Solo recoñecerá o dereito a solicitar préstamos cualificados así como o dereito á subsidiación dos préstamos obtidos e subvencións previstas nos artigos 33, 34, 35 e, se é o caso, 37 do Real decreto 1/2002, do 11 de xaneiro, con cargo ós orzamentos do Ministerio de Fomento, ós promotores de actuacións en materia de rehabilitación que, téndoas solicitado, reúnan as condicións establecidas neste decreto e no real decreto antes mencionado.

En canto á concesión de subvencións, seguirase, en todo caso, o establecido no punto 3 do artigo 21º do presente decreto.

Sección terceira

Áreas de rehabilitación

Artigo 38º.-Concepto.

Para os efectos do disposto no Real decreto 1/2002, do 11 de xaneiro, sobre medidas de financiamento de actuacións protexidas en materia de vivenda e solo do Plan 2002-2005, consideranse áreas de rehabilitación as áreas de rehabilitación integrada así como aquelas que sexan declaradas como tales pola Consellería de Política Territorial, Obras Públicas e Vivenda, logo de acordo co concello afectado.

Artigo 39º.-Axudas complementarias da Comunidade Autónoma.

Con carácter complementario ás axudas estatais previstas no artigo 30 do Real decreto 1/2002, do 11 de xaneiro, o Instituto Galego da Vivenda e Solo, con cargo ós seus orzamentos, subvencionará as actuacións en áreas de rehabilitación na contía máxima seguinte:

a) Ata o 30 por cento do custo da rehabilitación de edificios e vivendas, sen que a subvención media poida exceder de 4.000 euros por vivenda obxecto ou, se fose o caso, consecuencia da rehabilitación.

b) Ata o 25 por 100 do custo das operacións de urbanización e reurbanización comprendendo, se é o caso, as obras de demolición, sempre que a contía resultante non exceda do 15 por 100 da subvención que corresponda efectivamente como consecuencia do punto a) anterior.

As axudas complementarias concederanse unha vez obtida a cualificación definitiva; non obstante, no caso de non existir crédito suficiente, resolverase no momento no que exista cobertura orzamentaria.

Capítulo VI

Actuacións protexidas en materia de solo

Artigo 40º.-Urbanización protexida de solo e destino del.

1. Nas actuacións protexidas de solo con destino predominante á promoción de vivendas suxeitas a réximes de protección pública, o 20 por cento da edificabilidade prevista no artigo 38 do Real decre

to 1/2002, do 11 de xaneiro, nos supostos de creación del por promotores públicos, deberá dedicarse á construcción de vivendas de protección autonómica de prezo reducido, en réxime de venda ou aluguer, con destino a adquirintes ou adxudicatarios con ingresos familiares, determinados segundo se establece no artigo 12 do citado real decreto e 10º deste decreto, que non excedan de 2,5 veces o salario mínimo interprofesional.

O prezo máximo de venda das ditas vivendas, que se fará constar na declaración provisional, non excederá do establecido no punto 2 do artigo 9º deste decreto e o da renda, no suposto de promoción para aluguer, do 4 ou 7 por 100 do prezo de venda antes referenciado, segundo a duración do préstamo cualificado.

2. No caso de segundas ou posteriores transmisións o prezo máximo total de venda, por metro cadrado de superficie útil, non poderá exceder de 1,125 ou 1,02 veces, nas respectivas zonas territoriais, o prezo básico a nivel nacional vixente no momento en que se produza a transmisión.

Artigo 41º.-Axudas económicas.

O Instituto Galego da Vivenda e Solo recoñecerá o dereito a solicitar préstamos cualificados así como o dereito á subsidiación dos préstamos obtidos segundo o previsto nos artigos 40 e 41.1º do Real decreto 1/2002, do 11 de xaneiro e, se é o caso, conforme o establecido no artigo 41.2º proporá a concesión alternativa de subvencións polo Ministerio de Fomento ós promotores de actuacións de solo que reúnan as condicións esixidas no citado real decreto e neste decreto.

Disposicións adiccionais

Primeira.-Dada a súa incidencia orzamentaria, en ningún caso poderán entenderse outorgadas por silencio administrativo as axudas que establece este decreto.

Segunda.-Autorízase o conselleiro de Política Territorial, Obras Públicas e Vivenda para que mediante orde poida modifica-los prezos que se fixan neste decreto dentro dos límites sinalados no Real decreto 1/2002, do 11 de xaneiro.

Así mesmo, autorízase o conselleiro de Política Territorial, Obras Públicas e Vivenda para que mediante orde poida modificar ou amplia-la relación de situacións consideradas de emerxencia social.

Igualmente, se a evolución dos prezos así o aconsella, o conselleiro poderá modifica-la inclusión dos municipios nas zonas 1ª e 2ª:

Terceira.

1. Para determina-lo prezo de venda en segundas e posteriores transmisións de vivendas de protección oficial de promoción privada será de aplicación o establecido no Real decreto 727/1993, do 14 de maio.

Para os efectos do disposto no parágrafo anterior, o prezo máximo, por metro cadrado de superficie útil:

a) Dunha vivenda de protección oficial será o equivalente a 1,25 veces o prezo básico nacional, vixente no momento no que se produza a transmisión, na zona territorial 1ª e o equivalente a 1,125 veces na zona territorial 2ª.

b) Dunha vivenda de protección oficial de réxime especial será o equivalente a 1,125 veces o prezo básico nacional, vixente no momento no que se produza a transmisión, na zona territorial 1ª e o equivalente a 1,02 veces na zona territorial 2ª.

2. As referencias ás áreas xeográficas sobre vivendas de protección oficial de promoción pública e privada entenderanse feitas a zonas territoriais.

3. As referencias ó módulo, con ou sen ponderación, que se fan no Decreto 98/1992, do 26 de marzo, polo que se regula o financiamento e adxudicación de vivendas de promoción pública na Comunidade Autónoma de Galicia, entenderanse referidas:

Zona territorial 1ª:

Con ponderación, ó prezo básico.

Sen ponderación, o 94% do prezo básico.

Zona territorial 2ª.

Con ponderación, o 96,36% do prezo básico.

Sen ponderación, o 90,36% do prezo básico.

Cuarta.

1. Establécense as equivalencias que seguidamente se especifican para as vivendas de protección pública que, programadas en solo creado por promotores públicos con anterioridade á entrada en vigor deste decreto, a dita data non obtiveron a cualificación ou declaración provisional:

As vivendas declaradas protexidas equivalerán ás vivendas de protección autonómica.

As vivendas de protección oficial equivalerán ás vivendas de protección autonómica cun prezo máximo de venda, por metro cadrado de superficie útil, que se fará constar na declaración provisional, que non exceda de 1,25 veces o prezo básico nacional, vixente no momento da declaración na zona territorial 1ª e de 1,125 veces na zona territorial 2ª.

As vivendas de protección oficial en réxime especial equivalerán ás vivendas de protección autonómica reguladas no artigo 40º cun prezo máximo de venda, por metro cadrado de superficie útil, que se fará constar na declaración provisional, que non exceda de 1,125 veces o prezo básico nacional, vixente no momento da declaración en zona territorial 1ª e de 1,02 veces en zona territorial 2ª.

2. No caso de segundas ou posteriores transmisións o prezo máximo total de venda, por metro cadrado de superficie útil, non poderá exceder do número de veces fixado no punto 1 anterior, nas respectivas

zonas territoriais, do prezo básico a nivel nacional vixente no momento no que se produza a transmisión.

Quinta.-Será de aplicación ás vivendas de protección autonómica o disposto no Real decreto 2028/1995, do 22 de decembro, polo que se establecen as condicións de acceso ó financiamento cualificado estatal de vivendas de protección oficial promovidas por cooperativas de vivendas e comunidades de propietarios ó abeiro dos plans estatais de vivenda.

Sexta.-Modifícase o artigo 18.2º 1 do Decreto 70/1997, do 14 de marzo, polo que se establece a estructura orgánica do Instituto Galego da Vivenda e Solo e os artigos 3 e 6.2º e 6.3º do Decreto 98/1992, do 26 de marzo, polo que se regula o financiamento e adxudicación de vivendas de promoción pública que quedan redactados do seguinte modo:

Decreto 70/1997, de 14 de marzo:

Artigo 18.2º 1. Servicio Xurídico Administrativo.

Este servicio desenvolverá as seguintes funcións:

a) Elaboración de informes e propostas sobre recursos, reclamacións e solicitudes presentados ante a xefatura provincial.

b) Asistencia ás mesas de contratación.

c) Coordinación, asesoramento e revisión dos contidos xurídicos dos expedientes xestionados polas xefaturas de sección de Inspecciós Sancións da correspondente área provincial.

d) En xeral, cantos asuntos lle sexan encomendados en relación con estas funcións.

Decreto 98/1992, do 26 de marzo.

Artigo 3º.-Pagamento do prezo de venda.

1. As vivendas ás que se refiren os dous artigos anteriores venderanse aprazando a totalidade do prezo, que producirá un xuro anual do 5 por 100 e devolverase en 20 anos en cotas mensuais, integradas por capital e xuros, con crecemento do 4 por 100 anual.

Cando no momento da adxudicación definitiva do grupo efectuada pola Comisión Provincial de Vivenda, o tipo de xuro anteriormente establecido fose superior ó fixado polo Consello de Ministros para os convenios que subscriba o Ministerio de Fomento coas entidades prestamistas para o financiamento de actuacións protexidas en materia de vivenda e solo, entenderase que este último será o tipo de xuro aplicable.

2. Cando o Instituto Galego da Vivenda e Solo suscriba convenios con entidades financeiras de tal forma que estas financien a construcción de vivendas públicas e os adquirintes destas se subroguen no pagamento da débeda e na responsabilidade derivada da existencia da garantía hipotecaria, as condicións en que os adxudicatarios se subroguen nos correspondentes préstamos serán as sinaladas no parágrafo primeiro deste artigo, polo que o Instituto Galego da Vivenda e Solo, nos supostos en que o tipo de xuro establecido nos respectivos convenios

sexa superior ó fixado no punto segundo do parágrafo primeiro, subsidiará os préstamos aboando á entidade financeira a diferencia entre o referido xuro e o convido.

Artigo 6.2º.-As comisións provinciais da vivenda terán a seguinte composición:

O delegado provincial do Instituto Galego da Vivenda e Solo, que desempeñará o cargo de presidente.

O secretario da delegación provincial da Consellería de Política Territorial, Obras Públicas e Vivenda, que desempeñará o cargo de vicepresidente, e poderá, no caso de delegación ou ausencia do titular, asumi-las funcións de presidente.

O xefe de área provincial do Instituto Galego da Vivenda e Solo, que actuará como secretario.

O delegado provincial da Consellería da Presidencia, Relacións Institucionais e Administración Pública.

O delegado provincial da Consellería de Familia e Promoción de Emprego, Muller e Xuventude.

O delegado provincial da Consellería de Asuntos Sociais.

Un deputado provincial.

O alcalde ou concelleiro do municipio onde estean as vivendas que se van adxudicar.

No caso de que existisen outros municipios interesados nas adxudicacións, por posibilidade de solicitudes dos seus residentes, o presidente da comisión poderá incorporar a esta un representante de cada un deses municipios.

Artigo 6.3º.-No seo das comisións provinciais de vivenda actuará unha ponencia, constituída por:

O delegado provincial do Instituto Galego da Vivenda e Solo, que ostentará a súa presidencia.

O xefe de área provincial, que será o vicepresidente.

Vocais con carácter permanente:

Dous funcionarios da delegación provincial do Instituto Galego da Vivenda e Solo, un deles actuará como secretario, nomeados polo delegado provincial, e un representante da delegación provincial da Consellería de Política Territorial, Obras Públicas e Vivenda igualmente nomeado polo delegado provincial.

Vocais con carácter transitorio.

Os representantes municipais, que, se é o caso, teñan que formar parte da Comisión Provincial de Vivenda.

No caso de existiren outros municipios interesados nas adxudicacións, por posibilidade de solicitudes dos seus residentes, o presidente da comisión poderá acorda-la incorporación á ponencia, con carácter transitorio, dun representante de cada un dos ditos municipios.

Sétima.-As axudas reguladas neste decreto son incompatibles coas axudas dos programas autonómicos de rehabilitación, reconstrucción de vivenda

unifamiliar no medio rural, autoconstrucción no medio rural así como coas axudas para erradicación do chabolismo e infravivenda.

Disposicións transitorias

Primeira.-Naqueles supostos de adquisición protexida doutras vivendas xa construídas nos que a 31 de decembro de 2001 non se esgotase o prazo de dous meses establecido no artigo 25.2º c) do Real decreto 1186/1998, do 12 de xuño, cando os adquirentes se acollan ó financiamento cualificado que, para a adquisición protexida de vivendas existentes, se establece no Real decreto 1/2002, do 11 de xaneiro, e nesta disposición, excluirase do cómputo do prazo de catro meses, fixado no tamén artigo 25.2º c) do referido Real decreto 1/2002, o tempo transcorrido entre a dita data e a de entrada en vigor deste decreto.

Segunda.-Para os efectos do previsto nas disposicións transitorias segunda e terceira do Real decreto 1/2002, do 11 de xaneiro, os prezos máximos de venda das vivendas declaradas protexidas, así como das vivendas de protección oficial de réxime xeral ou especial programadas en solo creado por promotores públicos, con cualificación ou declaración provisionais anteriores á entrada en vigor deste decreto, serán os establecidos na disposición adicional cuarta.

Disposición derrogatoria

Á entrada en vigor deste decreto quedarán derrogados os decretos 345/1998, do 20 de novembro, e 85/2001, do 6 de abril, sen perxuízo da vixencia das situacións creadas ó seu abeiro e do disposto nas disposicións transitorias do Real decreto 1/2002, do 11 de xaneiro. Así mesmo, quedan derrogadas cantas disposicións de igual ou inferior rango se opoñan ó establecido neste decreto.

Disposicións derradeiras

Primeira.-Facúltase o conselleiro de Política Territorial, Obras Públicas e Vivenda para dictar cantas disposicións sexan necesarias para o desenvolvemento do presente decreto.

Segunda.-O presente decreto entrará en vigor o día seguinte ó da súa publicación no Diario Oficial de Galicia.

Santiago de Compostela, 6 de xuño de 2002.

Manuel Fraga Iribarne

Presidente

José Cuíña Crespo

Conselleiro de Política Territorial,

Obras Públicas e Vivenda

ANEXO

-Municipios incluídos na zona territorial 1ª:

A Coruña, Ames, Ares, Arteixo, As Pontes de García Rodríguez, Betanzos, Boiro, Boqueixón, Cambre, Carballo, Cee, Cedeira, Culleredo, Fene, Ferrol, Melide, Mugardos, Narón, Neda, Noia, Oleiros, Ordes, Oroso, Padrón, Pontedeume, Ribeira, Sada, Santiago de Compostela e Teo.

Burela, Cervo, Chantada, Foz, Lugo, Monforte de Lemos, Ribadeo, Sarria, Vilalba e Viveiro.

Allariz, A Rúa, Ourense, O Barco de Valdeorras, O Carballiño, Celanova, Ribadavia, Verín e Xinzo de Limia.

A Estrada, Baiona, Cambados, Cangas, Lalín, Marín, Moaña, Mos, Nigrán, O Grove, O Porriño, Poio, Ponteareas, Pontevedra, Redondela, Sanxenxo, Tui, Vilagarcía de Arousa e Vigo.

-Municipios incluídos na zona territorial 2ª:

Resto de municipios da Comunidade Autónoma.