Mediante acordo do Centro Europeo de Empresas e Innovación de Galicia, S.A. (CEEI Galicia, S.A.)
convócase concurso público aberto para a seguinte contratación:
Obxecto do contrato: o desenvolvemento e elaboración de guías para a creación de empresas, os seus correspondentes modelos informáticos de actualización e manuais de procedemento.
Orzamento máximo global para esta contratación: ata 94.000 euros (noventa e catro mil euros), incluído o imposto sobre o valor engadido (IVE).
Os pregos de bases e prescricións técnicas do concurso estarán á disposición dos interesados na sede de CEEI Galicia, S.A, no edificio Igape, 3ª planta, complexo administrativo de San Lázaro, s/n, Santiago de Compostela, 15703 A Coruña. Teléfono: 981 54 68 23.
Prazo de presentación de ofertas: as proposicións para poder tomar parte no concurso presentaranse nas oficinas de CEEI Galicia, S.A. en Santiago de Compostela, dentro do prazo de quince días naturais a partir do seguinte ó da publicación do presente anuncio no Diario Oficial de Galicia. Se o día de vencemento do prazo fose inhábil, o vencemento trasladarase ó seguinte día hábil.
Santiago de Compostela, 3 de xuño de 2002.
Carlos Pérez de Vega
Apoderado do Centro Europeo de Empresas
e Innovación de Galicia, S.A.
XUNTA DE COMPENSACIÓN DO POL. G9.01 DO CONCELLO
DA CORUÑA