Eu, Agustín Ignacio Pena López, secretario do Xulgado do Social número un da Coruña, fago saber
que nos autos nº 928/2001 seguidos por instancia de Alfredo Caamaño Souto contra Arena Todo Construcción, S.L. e Fogasa sobre salarios, a maxistrada xuíza deste xulgado, Isabel Olmos Parés, dictou sentencia, con data 3-5-2002, coa seguinte parte dispositiva:
«Que, estimando a demanda interposta por Alfredo Caamaño Souto, debo declarar e declaro o dereito do demandante a percibi-la cantidade de 964,87 euros (160.541 ptas.) polos conceptos que se expresan no feito probado segundo esta resolución, e neste sentido debo condenar e condeno a empresa Arena Todo Construcción, S.L. a que, estando e pasando por tal declaración lle faga o pagamento ó demandante da cantidade de 964,87 euros (160.541 ptas.) polos conceptos de salarios e liquidación. E debo absolver e absolvo ó Fogasa sen prexuízo da responsabilidade legal prevista no artigo 33 do ET.
Notifíqueselles esta sentencia ás partes, ás que se fará saber que, contra a dita resolución non cabe o recurso de suplicación.
Así, por esta miña sentencia, pronúncioo, mándoo e asínoo».
E para que lle sirva de notificación a Arena Todo Construcción, S.L. que tivo o seu último enderezo coñecido en Zaragoza, s/n, Arteixo, A Coruña, e que na actualidade se descoñece, e co fin da súa publicación no Diario Oficial de Galicia, expido e asino este edicto na Coruña o 3 de maio do 2002.
O secretario xudicial
Rubricado