Eu, Francisco Javier Vaquer Martín, xuíz de Primeira Instancia e Instrucción número dous dos de Tui.
Fago saber que neste xulgado e co nº 320/2001 se segue por instancia de María Isabel Vicente Lomba, María Olimpia Peláez Rodríguez, María Margarita Rodríguez González, expediente para a declaración de falecemento dos seguintes:
-José Manuel Vicente Gómez, natural da Guarda (Pontevedra), veciño desta mesma localidade, nacido o 27 de maio de 1951.
-Antonio Gómez Rodríguez, natural e veciño de Oia (Pontevedra), nacido o 11 de outubro de 1959.
-Joaquín Cividanes Franco, natural e veciño da Guarda (Pontevedra), nacido o 30 de abril de 1958.
Todos eles embarcaron o día 8 de xaneiro de 2001, no pesqueiro denominado Fátima, non téndose deles máis noticias desde que o pesqueiro o 11 de xaneiro recibiu fortes golpes de mar, e os devanditos tripulantes caeron ó mar, ignorándose o seu paradoiro.
O que se fai público para que os que teñan noticias da súa existencia poidan poñelos en coñecemento do xulgado e seren oídos.
Dado en Tui o cinco de febreiro de dous mil dous.
O xuíz O secretario
Rubricado