Na sesión do día trinta de maio, o tribunal IV-F e V-D adoptou o seguinte acordo:
Anula-la pregunta número 19 do cuestionario de acceso libre, correspondente á categoría 35 do grupo IV do persoal laboral fixo da Xunta de Galicia, por non ser correcta a súa formulación.
Así mesmo, anúnciase a convocatoria para a realización do segundo exercicio da fase oposición que se realizará o día 6 de xullo de 2002 no Pazo de Congresos e Exposicións de Galicia, situ en San Lázaro s/n, Santiago de Compostela, en chamamento único nas tres categorías.
Para a categoría 10E (vixilantes de arquivos, bibliotecas e museos), a realización do exercicio comezará ás 9.30 horas, abríndose as portas do lugar de acceso para a súa realizacion ás 9 horas.
Para a categoría 36 (auxiliar de museos), a realización do exercicio comezará ás 13 horas, abríndose as portas do lugar de acceso para a súa realización ás 12.30 horas.
Para a categoría 35 (auxiliar de arquivos e bibliotecas), a realización do exercicio comezará ás 17.30 horas, abríndose as portas do lugar de acceso para a súa realizacion ás 17 horas.
Os aspirantes deberán ir provistos de DNI ou documento fidedigno acreditativo da súa identidade, a xuízo do tribunal, lapis nº 2, bolígrafo e goma de borrar.
Santiago de Compostela, 30 de maio de 2002.
Antonio Rodríguez Álvarez,
Presidente do Tribunal IV-F e V-D