A Comisión de Goberno, en sesión do 19 de febreiro de 2001, aprobou definitivamente o proxecto de delimitación do polígono 1 do Plan parcial de ordenación do SUP-2 de Cornes, redactado por Bano Real, S.A., así como sistema de actuación o de cooperación.
A aprobación do proxecto de delimitación determina automaticamente o inicio do expediente de reparcelación e a posibilidade por parte dos propietarios que representen alomenos o 25% da superficie do polígono de presenta-lo proxecto de reparcelación dentro dos 3 meses do inicio do expediente de reparcelación.
Contra o acordo de aprobación definitiva poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio; alternativamente, poderá interpoñerse recurso potestativo de reposición ante a Comisión de Goberno do concello no prazo dun mes, contado desde a mesma data.
Santiago de Compostela, 19 de abril de 2002.
Luís Toxo Ramallo
Concelleiro delegado de Urbanismo