Eu, Óscar Méndez Fernández, secretario do Xulgado de Primeira Instancia e Instrucción número dous de Carballo, dou fe e testemuño de que no xuízo de faltas nº 153/2002, que se segue neste xulgado por unha falta contra a orde pública, se acordou citar a Carlos Vega Veiga para que compareza en calidade de denunciado ante a sala de audiencias deste xulgado, sito na praza do concello s/n, primeira planta, o próximo día 5 de xuño, ás 10.50 horas, para a celebración do xuízo, baixo o apercibimento de que se non comparece recaerá sobre el o prexuízo a que houber lugar en dereito.
E para que conste e lle sirva de citación a Carlos Vega Veiga, actualmente en paradoiro descoñecido, e para a súa publicación no Diario Oficial de Galicia, expido este edicto en Carballo o sete de maio de dous mil dous.
O secretario
Rubricado
XULGADO DE PRIMEIRA INSTANCIA E INSTRUCCIÓN NÚMERO DOUS
DE SANTIAGO DE COMPOSTELA