En cumprimento do disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos nel, faise público que no correspondente servicio desta dirección xeral foron depositados a acta de constitución e os estatutos da Asociación Textil/Punto, Moda de Galicia que ten os seguintes ámbitos:
Territorial: Comunidade Autónoma de Galicia.
Profesional: poderán pertencer á devandita asociación as empresas galegas cunha facturación mínima anual de 1.500.000 euros, que facturen ó menos o 20% fora de Galicia, e teñan establecidos parámetros e estándares de calidade.
Asinan a acta de constitución: María del Carmen González Melero, en representación da compañía mercantil Carmen Melero-Costume, S.L., e cinco persoas máis representando a outras compañías mercantís.
Santiago de Compostela, 6 de maio de 2002.
José Vázquez Portomeñe
Director xeral de Relacións Laborais