Advertido erro na antedita orde publicada no DOG nº 99, do 24 de maio de 2002, cómpre face-las seguintes correccións:
Na páxina 7.609, do DOG versión galega, onde di: «Rexistro de Centros, Servicios e Establecementos Sanitarios da Consellería de Sanidade», debe dicir: «Rexistro de Entidades Prestadoras de Servicios Sociais da Consellería de Asuntos Sociais».
Na páxina 7.613, no pé do anexo III debe engadirse a lenda seguinte:
«1. Centradas en persoas que están en abstinencia e non sometidas a tratamento ambulatorio, aínda que precisen actividades de apoio.
2. Dirixidas a pacientes que se atopan a tratamento ambulatorio e que están en proceso de rehabilitación.
3. Actividades centradas en difundir á poboación toda a problemática relacionada co abuso do alcohol».