Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos nº 88/2002, seguidos por instancia de Concepción Ceriz Iglesias, contra Confecnor, S.A. sobre despedimento, nos que recaeu sentencia en data 26-4-2002 que, copiada nos particulares necesarios, di así:

«Que estimando a demanda formulada por Concepción Ceriz Iglesias, declaro a nulidade do seu despedimento e tendo en conta que a empresa está pechada sen actividade, sendo imposible a readmisión, declaro extinguida a relación laboral no día da data, condenando a empresa Confecnor, S.A., a aboarlle a demandante a cantidade de 17.763,26 euros en concepto de indemnización por despedimento e 2.814,93 euros como salarios de tramitación desde a data do despedimento ata a da presente resolución.

Notifíqueselles esta resolución ás partes, facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social, no prazo de cinco días hábiles contados a partir do día seguinte ó da súa notificación.

Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo».

E para que conste, para efectos da súa publicación no Diario Oficial de Galicia co fin de que sirva de notificación en forma á empresa Confecnor, S.A. expido e asino esta cédula na Coruña o 29 de abril de 2002.

O secretario xudicial

Rubricado