Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos nº 900/2001, seguidos por instancia de Eva Ramos López contra a empresa Fernando Castro-Acuña Leyte sobre salarios, nos que recae sentencia en data 25-4-2002 que, copiada nos particulares necesarios, di así:

«Que estimando a demanda formulada por Eva Ramos López, contra a empresa Fernando Castro-Acuña Leyte, condeno a esta a aboarlle a cantidade de 11.695,35 euros, que lle debe en concepto de salarios.

Notifíqueselles esta resolución ás partes, facéndolles saber que contra ela cabe interpoñer recurso

de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social, no prazo de cinco días hábiles a partir do día seguinte ó da súa notificación.

Prevese a empresa demandada de que, para recorrer, deberá acreditar ter ingresado na c/c de consignacións, código 5604 0000 60 926-2001, do BBVA desta ciudade, denominada Conta do Xulgado do Social número tres, o importe da condena e 150,25 euros en concepto de depósito, requisitos sen os cales non será admitido a trámite o recurso quedando firme a sentencia.

Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo».

E para que conste, para efectos da súa publicación no Diario Oficial de Galicia, co fin de que lle sirva de notificación en forma á empresa Fernando Castro-Acuña Leyte expido e asino esta cédula na Coruña o 29 de abril de 2002.

O secretario xudicial

Rubricado