O Decreto 244/1999, do 29 de xullo, polo que se regula a cobertura de diversas prazas por funcionarios públicos docentes que imparten ensinanzas de niveis non universitarios prevé, no seu artigo 3.2º,
que as prazas que nel se indican poderán ser cubertas mediante o correspondente concurso específico de méritos e polo prazo que se determine na convocatoria, as devanditas prazas deberán ser provistas a través dun concurso específico de méritos para a súa provisión mediante nomeamento temporal con reserva do posto de traballo de orixe e polo tempo que se estableza na correspondente convocatoria, que en ningún caso poderá exceder en máis de seis anos.
Así mesmo, o artigo 5 do devandito decreto establece que poden ser cubertas por este mesmo procedemento aquelas prazas que, segundo as previsións que contén o artigo 59 da Lei orgánica 1/1990, do 3 de outubro, de educación xeral do sistema educativo, favorezan as elaboracións de proxectos, innovacións curriculares, metodolóxicas, etc. entre as que existen prazas de recente implantación ou de difícil cobertura polo procedemento ordinario.
Sendo necesaria a provisión de distintas prazas por mor dos diversos convenios entre a administración educativa e distintas institucións ou entidades a que se refire o artigo 3 do Decreto 244/1999, do 29 de xullo, e outras incluídas no artigo 5 do devandito decreto, e tendo en conta a habilitación que figura na disposición derradeira primeira do mesmo decreto que autoriza o conselleiro de Educación e Ordenación Universitaria para dicta-las disposicións que sexan precisas para a súa aplicación e desenvolvemento.
É polo que esta Consellería de Educación e Ordenación Universitaria
DISPÓN:
Primeiro.-Convocar concurso público de méritos específico entre funcionarios de carreira dos corpos docentes que impartan ensinanzas de niveis non universitarios, para adxudicar en comisión de servicios as prazas que figuran no anexo I desta orde.
Segundo.-Poderán participar nesta convocatoria os funcionarios de carreira dos corpos docentes que impartan ensinanzas de niveis non universitarias con destino actual no ámbito da Comunidade Autónoma de Galicia, que conten, polo menos, con tres anos de servicio como docentes en centros públicos, contabilizados ata o 31 de agosto de 2002 e xustifiquen documentalmente reuni-los requisitos sinalados para cada posto.
Terceiro.-O prazo para a presentación de instancias para tomar parte nesta convocatoria, dirixidas ó conselleiro de Educación e Ordenación Universitaria, será de vinte días naturais desde a publicación da presente orde e poderán presentarse no rexistro xeral da Consellería de Educación e Ordenación Universitaria, nas delegacións provinciais, ou ben na forma prevista no artigo 38.4º da Lei de réxime xurídico das administracións públicas e do procedemento administrativo común. No suposto de optar pola presentación da solicitude e demais documentación ante a oficina de correos, farase en
sobre aberto para que a instancia sexa selada e datada polo funcionario de correos antes de ser certificada.
Unha vez rematado o prazo de presentación de instancias e demais documentación non se admitirá ningunha modificación nas peticións formuladas. Non obstante o anterior, admitirase renuncia á participación no concurso de méritos específico dentro do prazo establecido para as reclamacións sinaladas no punto sexto, entendendo que tal renuncia afecta a tódalas peticións formuladas.
Cuarto.-Aínda que se concurse a máis dunha praza os concursantes presentarán unha única instancia, acompañada dunha fotocopia desta e unha folla de alegacións e autobaremación, axustada ó modelo que se poñerá á disposición dos interesados nas delegacións provinciais da Consellería de Educación e Ordenación Universitaria e simultaneamente presentarán, para a demostración dos méritos, os documentos que se indican no baremo que aparece como anexo II.
Os concursantes presentarán ademais:
-Proxecto de traballo sobre as liñas básicas de actuación para o desenvolvemento das funcións inherentes ó posto que se solicita, tendo en conta as características deste, cunha extensión máxima de 20 folios.
Tódalas fotocopias que se remitan deberán ir acompañadas das dilixencias de compulsa, expedidas polos directores dos centros ou das delegacións provinciais da Consellería de Educación e Ordenación Universitaria. Non se admitirá ningunha fotocopia que careza da dilixencia de compulsa.
Quinto.-A selección dos aspirantes será realizada por unha comisión que presidirá o secretario xeral ou persoa na que delegue, e da que formarán parte.
-2 vocais coa categoría de subdirectores xerais ou xefes de servicio da Consellería de Educación e Ordenación Universitaria.
-2 inspectores de Educación.
-Un funcionario da Consellería de Educación e Ordenación Universitaria, que actuará como secretario con voz e sen voto.
-Os sindicatos integrantes da mesa sectorial de persoal docente non universitario poderán nomear un representante para asistir ás sesións da comisión.
-A comisión poderá solicita-la incorporación ós seus traballos de asesores especialistas, limitándose os devanditos asesores a prestaren a súa colaboración.
Sexto.-Para a valoración dos puntos 1, 2, 3.1, 3.2 e 4.1 do baremo establecido no anexo II a comisión de selección delega esta función unha subcomisión formada por funcionarios da Dirección Xeral de Persoal da Consellería de Educación e Ordenación Universitaria. Unha vez feita esta, os resultados serán publicados nos taboleiros de anuncios da consellería
e das delegacións provinciais, sinalando a relación de excluídos e a causa da súa exclusión e establecendo un prazo de 8 días naturais desde a súa exposición para presenta-las reclamacións que procedan.
Tódolos aspirantes que obteñan unha puntuación mínima de 4 puntos no proxecto poderán ser convocados pola comisión de selección á realización dunha entrevista para mellor aprecia-las circunstancias que concorren neles, e que versará sobre o proxecto presentado.
Sétimo.-Os membros da comisión e subcomisión estarán suxeitos ás causas de abstención e recusación establecidas nos artigos 28 e 29 da Lei de réxime xurídico das administracións públicas e do procedemento administrativo común, e terán dereito a percibir asistencias e axudas de custo por concorreren ás sesións, conforme o Decreto 299/1990, do 24 de maio, estando cualificadas na categoría primeira.
Oitavo.-Aqueles aspirantes que non acaden unha puntuación mínima de 4 puntos no proxecto e de 4 puntos na entrevista, no caso de ter lugar, non poderán ser propostos pola comisión. Serán seleccionados aqueles aspirantes que obtendo as puntuacións mínimas sinaladas, acaden as maiores puntuacións no total dos puntos considerados no baremo establecido no anexo II, para a praza que solicitan.
Noveno.-No caso de producírense empates no total das puntuacións outorgadas, estes resolveranse, atendendo sucesivamente e por esta orde á maior puntuación nos puntos 5, 1, 3.3, 4.2, 3.1, 3.2, 4.1 e 2.
Décimo.-Unha vez realizado todo o proceso anterior, a comisión de selección proporá ó conselleiro
de Educación e Ordenación Universitaria a adxudicación dos postos, que será obxecto de publicación no Diario Oficial de Galicia, e pola que se entenderán notificados, para tódolos efectos, os concursantes ós que lles afecte. Contra esta resolución poderase interpoñer potestativamente recurso de reposición perante este mesmo órgano, no prazo dun mes contado a partir do día seguinte ó da súa publicación. De non considerar oportuna a interposición do citado recurso, poderase formular directamente recurso contencioso-administrativo, no prazo de dous meses, conforme se establece nos capítulos II e III da Lei 29/1998, do 13 de xullo, reguladora da xurisdicción contencioso-administrativa.
Décimo primeiro.-O prazo máximo para notifica-la resolución deste procedemento será de 6 meses contados desde o día da súa publicación no Diario Oficial de Galicia, tendo efectos desestimatorios a falta de resolución expresa nese período.
Décimo segundo.-Os seleccionados deberán incorporarse ás prazas obtidas con data do 1 de setembro do ano 2002, cesando no seu destino de procedencia o 31 de agosto do mesmo ano.
As prazas adxudicadas serano en comisión de servicios, por un período de dous anos e un máximo de seis e con reserva do posto de traballo de orixe, de acordo co disposto no punto 2º do artigo 3 do Decreto 244/1999, do 29 de xullo.
Décimo terceiro.-Esta disposición entrará en vigor o mesmo día ó da súa publicación no Diario Oficial de Galicia.
Santiago de Compostela, 15 de maio de 2002.
Celso Currás Fernández
Conselleiro de Educación e Ordenación Universitaria
ANEXO I
Nº posto Convenio
Provincia de Lugo: 1 equipo T.V.
Provincia de Pontevedra: concellos de: 1. Arbo, Avión, A Cañiza, Covelo, Mondariz, As Neves, Crecente, Salvaterra de Miño, Ponteareas.
1 Cáritas Diocesana de Lugo para o desenvolvemento do programa de educación compensatoria «Preescolar na Casa».
Destino Zonas de traballo de Preescolar na Casa, que se especifican a continuación:
Prazas Lugo: 1 (equipo T.V.), Pontevedra: 1; todas de mestres.
Funcións Estudio da zona (recollida de datos, convocatorias e visitas a familias). Planificación e realización de xuntanzas quincenais coas familias, tratando de salienta-lo valor do cotiá, a utilidade dos materiais do contorno, impulsando a reflexión dos adultos e o intercambio entre eles. Contacto coas persoas e institucións da zona que poidan ter relación co traballo (pediatras, asistentes sociais, mestres, etc.). Colaborar cos diferentes medios do programa (revista, radio e televisión). Participar nas reunións de zona e xerais. Comprometerse coa formación. Organización de actividades diferentes ás reunións de orientación (excursións, charlas, exposicións, etc.).
Observacións Carné de conducir e dispoñibilidade de vehículo. De acordo coas necesidades do programa as zonas de traballo poden sufrir modificacións ó longo do curso.
Nº posto Convenio
A Coruña: 1.
Lugo: 1.
Santiago de Compostela: 1.
Organización e seguimento de competicións deportivas.
Coordinación de grupo de traballo e dinamización da campaña.
Elaboración de memorias e estatísticas da campaña.
Ourense.
Pontevedra.
Ourense: 2 postos.
Pontevedra: 1 posto.
Apoia-la integración sociolaboral dos internos.
2 Secretaría Xeral para o Deporte.
Destino Servicios provinciais (A Coruña, Lugo), servicios centrais (Santiago de Compostela).
Prazas 3 mestres ou profesores de ensino secundario.
Funcións Desenvolvemento da campaña do deporte en idade escolar. Participación na programación e divulgación da campaña de deporte en idade escolar e as zonas e comarcas da súa área de actuación.
Requisitos Experiencia en organización de competicións deportivas en idade escolar.
Observacións Horario axeitado ás necesidades da actividade deportiva e ó seu desenvolvemento (tardes e fins de semana). Necesidade de desprazamento ás competicións ou servicios de coordinación.
3 Consellería de Familia e Promoción do Emprego, Muller e Xuventude.
Destino Centros de reeducación dependentes da Consellería de Familia e Promoción do Emprego, Muller e Xuventude en:
Prazas Prazas: 3 mestres.
Funcións Organizar e coordina-las actividades educativas docentes.
Requisitos Experiencia de tres anos, como mínimo, na educación de adultos e de traballo con persoas con necesidades educativas especiais. Coñecementos en informática de usuario.
Observacións Dispoñibilidade horaria (xornada partida para adaptarse ás necesidades dos internos).
4 Asociación diminuídos psíquicos de Santiago (ASPAS).
Destino Santiago de Compostela.
Prazas 1 para mestres.
Funcións Integración social dos xoves diminuídos. A través do traballo como terapia fundamental mellora-la situación persoal e a calidade de vida destes xoves discapacitados. Actividades axeitadas á súa situación. Realizar e, se é o caso, coordinar tódalas actividades escolares e extraescolares do centro. Traballo en programas de desenvolvemento integral.
Requisitos Experiencia en educación especial. Especialista en pedagoxía terapéutica ou en orientación educativa. Coñecemento de traballo en manualidades, encadernación, cerámica, etc.
Observacións Horario adaptado ás necesidades do centro.
5 Caixa Galicia.
Destino Caixa Galicia de Monforte de Lemos.
Prazas 1 de mestres.
Funcións Docentes propias do posto.
Requisitos Especialidade en educación infantil.
6 Consellería de Sanidade e Servicios Sociais.
Destino Hospital Islas Cíes de Vigo.
Prazas 1 para mestres.
Funcións Prosegui-la súa formación durante a permanencia no hospital, sen que a actividade docente cause prexuízos ó seu benestar e non obstaculice os tratamentos correspondentes. Manter hábitos de estudio. Coordinación cos centros educativos ós que asisten normalmente. Estimula-la actividade creativa para evita-lo aburrimento. Dar un carácter positivo e contido formativo ós tempos libres e de ocio no hospital.
Requisitos Competencia como asesor e traballo en equipo co persoal do centro hospitalario. Cursos relacionados coa saúde.
Observacións Horario adaptado ás necesidades do centro.
7 Consellería de Familia e Promoción do Emprego, Muller e Xuventude.
Destino Servicio de Igualdade. Santiago de Compostela.
Prazas 1 para profesores de ensino secundario.
Funcións Elaboración de material didáctico destinado ó alumnado. Revisión e adecuación do material formativo ó principio de non discriminación por razón de xénero. Deseño de cursos formativos en políticas de igualdade e coeducación destinadas á comunidade escolar e outros colectivos. Organización de actividades formativas en materia de igualdade para o profesorado dos distintos niveis educativos. Elaboración de materiais de coeducación dirixidos á prevención da violencia contra as mulleres e difusión destes materiais entre a comunidade escolar.
Nº posto Convenio
1 para profesores de ensino secundario, licenciado en filoloxía galega, ou nas subseccións de galego-portugués de filoloxía hispánica ou galaico-portuguesa de filoloxía románica.
Requisitos Coñecemento exhaustivo do sistema educativo. Coñecemento das políticas desenvolvidas na actualidade para fomenta-la igualdade de oportunidades entre homes e mulleres. Coñecemento e experiencia en programas de prevención de violencia de xénero, aplicada o ámbito educativo. Experiencia en organización, coordinación e xestión de formación dirixida ó profesorado en temas de educación para a igualdade. Experiencia en organización, coordinación e xestión da formación dirixida a pais e nais para fomenta-la educación para a igualdade desde o ámbito familiar. Revisión e elaboración de proxectos, programas e materiais didácticos desde a perspectiva integradora de xénero. Experiencia docente de educación para a igualdade en cursos e actividades formativas dirixidas a profesionais docentes.
Observacións Horario adaptado ás necesidades do posto.
8 Fundación Galicia-América.
Destino Colexio Santiago Apóstolo de Bos Aires (Arxentina).
Prazas 1 para mestres, especialista en lingua galega.
Funcións Impartición de lingua, literatura e cultura galegas ó alumnado do colexio, e organizar actividades para a colectividade de orixe galega relacionada co centro.
Requisitos Diploma de especialista en lingua galega ou licenciatura en filoloxía galega ou nas subseccións de galego-portugués de filoloxía hispánica ou galaico-portuguesa de filoloxía románica.
Observacións Dispoñibilidade horaria para adaptarse ás necesidades do centro.
ANEXO II
máximo
Conceptos Puntuación Total puntos
Documentos xustificativos
Por cada ano de servicios efectivos prestados na situación de servicio activo como funcionario de carreira dun corpo docente
2.1. Polo título de doutor
2.2. Titulacións de segundo ciclo: por cada licenciatura, enxeñería, arquitectura ou títulos declarados legalmente equivalentes
2.3. Titulacións de primeiro ciclo: pola segunda diplomatura ou os 3 primeiros cursos dunha licenciatura
1 punto
0,5 puntos
0,25 puntos
3.1. Por cursos superados que teñan por obxecto o perfeccionamento sobre os aspectos científicos e didácticos, organizados polas administracións educativas que se atopen en pleno exercicio das súas competencias en materia educativa, por institucións sen ánimo de lucro que fosen homologadas polas administracións precitadas, así como os organizados polas universidades (0,10 puntos por cada 10 horas de cursos superados acreditados)
3.2. Por outras actividades de formación e perfeccionamento en materia educativa, incluída a impartición de cursos (0,10 puntos por cada 10 horas)
3.3. Por actividades de formación específica directamente relacionadas co posto ó que se pretende acceder (0,10 puntos por cada 10 horas)
Ata 2 puntos
Ata 1 punto
Ata 3 puntos
4.1. Por publicacións de carácter didáctico ou científico, proxectos e innovacións técnicas, de carácter xeral
4.2. Por publicacións de carácter didáctico ou científico, proxectos e innovacións técnicas, relacionadas coa praza que se solicita
(Deberán conte-lo ISBN, agás as excepcións consideradas na lexislación vixente)
Ata 1 punto
Ata 2 puntos O proxecto de traballo deberá conte-los obxectivos, planificación xeral, actividades, xustificación e definición á que corresponde a praza que se solicita
(puntuación mínima esixida por este punto: 4 puntos)
Ata 6 puntos polo proxecto
1. Antigüidade:
0,50 puntos 5 puntos
2. Méritos académicos:
2 puntos Copia compulsada das titulacións alegadas.
3. Formación e perfeccionamento:
6 puntos Copia compulsada da documentación alegada.
4. Publicacións, proxectos, innovacións técnicas:
3 puntos Documentación orixinal
5. Proxecto de traballo:
Ata 6 puntos Orixinal, cunha extensión máxima de 20 folios
6. Entrevista sobre o proxecto presentado (puntuación mínima esixida por este punto: 4 puntos) Ata 6 puntos pola entrevista Ata 6 puntos
parciais
Concepto Puntuacións
Total
(Máximo 3 puntos)
Por cada ano de funcionario de carreira no corpo docente (Máximo 2 puntos) (Máximo 6 puntos)
(Máximo 3 puntos)
4.1. Por publicacións de carácter didáctico,
1. Antigüidade
0,50
2. Méritos académicos
2.1 Polo título de doutor 1 2.2. Titulacións segundo ciclo 0,5 2.3. Titulacións primeiro ciclo 0,25
3. Formación e perfeccionamento
3.1. Por cursos superados que teñan por obxecto o perfeccionamento sobre os aspectos científicos e didácticos, organizados polas administracións educativas (0,10 puntos por c/10 horas) Ata 2 puntos 3.2. Por outras actividades de formación (0,10 puntos por c/10 horas) Ata 1 punto 3.3. Por actividades de formación específica directamente relacionadas co posto ó que se pretende acceder (0,10 puntos por c/10 horas) Ata 3 puntos
4. Publicacións, proxectos, innovacións técnicas
Ata 1 punto de carácter xeral 4.2. Por publicacións de carácter didáctico, Ata 2 puntos relacionadas coa praza que solicita
CONSELLERÍA DE FAMILIA E PROMOCIÓN DO EMPREGO,
MULLER E XUVENTUDE