Por resulta-lo seu domicilio descoñecido, por medio da presente cédula notifícaselle a Dolores Castromán Santos, enfermeira pertencente ó cadro de persoal fixo do Complexo Hospitalario Universitario de Santiago de Compostela, o acordo do secretario xeral da Consellería de Sanidade do 14 de maio de 2002, polo que se lle incoa expediente disciplinario pola presunta comisión duns feitos polos que podería incorrer nunha falta moi grave tipificada no artigo 125.1º do Estatuto do persoal sanitario non facultativo ó servicio das institucións sanitarias da Seguridade Social, polo abandono de destino, que se producirá cando se deixe de prestar persoalmente o servicio por máis de tres días sen causa xustificada.
A presente cédula expídese para que conste e lle sirva de notificación á interesada de enderezo descoñecido, en cumprimento do disposto no artigo 59.4º da Lei 30/1992, do 26 de novembro, de réxime xurídico das administraccións públicas e do procedemento administrativo común.
Santiago de Compostela, 15 de maio de 2002.
José Luis Carbajo Romero
Subdirector xeral de Réxime Administrativo