Galego | Castellano

DOG - Xunta de Galicia -

Diario Oficial de Galicia
DOG Núm. 100 Luns, 27 de maio de 2002 Páx. 7.711

VI. ANUNCIOS

DA ADMINISTRACIÓN LOCAL

CONCELLO DE PONTEVEDRA

ANUNCIO da aprobación definitiva do proxecto de urbanización da prolongación da rúa Faustino Santalices, con rectificación de erro do Plan Xeral de Ordenación Urbana, promovido por Promociones Inmobiliarias Amco, Sociedad Limitada.

A comisión de goberno, en sesión do dezaoito de febreiro de dous mil dous, acordou prestar apro

bación definitiva ó proxecto de urbanización da prolongación da rúa Faustino Santalices, promovido por Promociones Inmobiliarias Amco, S.L. e redactado polo arquitecto Ricardo Aguilar Argenti, composto do documento visado pola Delegación de Pontevedra do Colexio Oficial de Arquitectos de Galicia en data 7-3-2001 e un anexo a memoria e novo plan nº 3, que reformaban e anulaban os correlativos daquel, facendo constar que no que se refire ó largo viario da rúa Faustino Santalices, correspóndenlle 10 metros sobre as edificacións existentes, tal e como se recoñece no acordo do Pleno da Corporación de 27-10-2001.

O que se fai público para a súa executividade, subliñándose que contra este acto administrativo, que pon fin á vía administrativa, se poderá interpoñer ben o recurso potestativo de reposición perante o mesmo órgano que a dictou e no prazo dun mes, contados desde o día seguinte ó da súa modificación, consonte co establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso-administrativo perante o Xulgado do Contencioso-Administrativo de Pontevedra no prazo de dous meses, contados a partir do día seguinte ó da súa notificación, conforme o disposto nos artigos 8.1º e 46.1º da Lei 29/1998, do 13 de xullo.

De se interpoñe-lo recurso potestativo de reposición, este deberá ser resolto e notificado no prazo dun mes, segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º desa Lei 30/1992, poidéndose entón interpoñer recurso contencioso-administrativo dentro do prazo de seis meses contado desde o día seguinte daquel no que se deba entender presuntamente desestimado o recurso de reposición interposto, conforme o establecido no artigo 46.1º) e 4º) da Lei 29/1998.

Non obstante, tamén se poderá interpoñer calquera outro recurso que os interesados estimen procedentes consonte á dereito.

Pontevedra, 25 de febreiro de 2002.

P.D.

Xosé Cesáreo Mosquera Lorenzo

Tenente alcalde delegado da Área de Urbanismo

e Medio Ambiente

Julio Dapena Outomuro

Secretario xeral