A Comisión de Goberno do concello, na sesión que tivo lugar o día 1 de abril de 2002, aprobou inicialmente a nova conta de liquidación provisoria dos gastos de urbanización e xestión da unidade delimitada na rúa da Queimada, o que leva consigo a modificación da incluída no expediente de reparcelación aprobado polo concello o 7 de maio de 1999.
En cumprimento do que dispón o artigo 102 da Lei 1/1997, do solo de Galicia (LSG), o expediente sométese a información pública durante o prazo de vinte días, contados a partir do día seguinte ó da publicación deste anuncio no Diario Oficial de Galicia e nun xornal de circulación na provincia. Durante este prazo, os interesados poderán consulta-lo expediente na sección de Planeamento e Xestión e formular por escrito as alegacións que xulguen oportunas.
Este anuncio servirá de edicto de notificación, de acordo co previsto no artigo 59.4º da Lei 30/1992, de réxime xurídico das administracións públicas e do procedemento administrativo común, ós propietarios afectados por este expediente que, por seren descoñecidos ou ignorarse o seu paradoiro, non poidan ser notificados persoalmente, e que a seguir se relacionan:
-Comunidade de propietarios do edificio número 22 da rúa da Queimada.
-Comunidade de propietarios do edificio número 58 posterior da rúa de Cruceiro da Coruña.
-Comunidade de propietarios do edificio número 64-66 traseiro da rúa de Cruceiro da Coruña.
-Cores Ramos, José María e Cabanas, Adolfina.
-Couso Rodríguez, Amparo e outras.
-Couso Rodríguez, Sara e María.
-González Moure, Juan e Taboada Pereira, Pilar.
-González Noya, Emilio e González Gutensperger, Rosmarie.
-Inmobiliaria Noyasar, S.L.
-Otero Rodríguez, Baltasar e Gómez, Nieves.
-Rey Fandiño, Enrique.
Santiago de Compostela, 2 de maio de 2002.
Luís Toxo Ramallo
Concelleiro delegado de Urbanismo