A Consellería de Cultura, Comunicación Social e Turismo convocou subvencións ás entidades de promoción do Camiño de Santiago para o ano 2002, e ás empresas privadas que realicen actividades de promoción e difusión dos camiños de Santiago no ano 2002, a través das ordes do 11 de decembro de 2001(DOG do 20 de decembro e do 24 de decembro de 2001), que no seu artigo 2 establecen que o importe orzado, cento oitenta mil trescentos tres con sesenta e dous euros, farase con cargo ós orzamentos prorrogados da Comunidade Autónoma de Galicia para o ano 2002.
Como queira que con posterioridade á publicación das devanditas ordes, regulouse a prórroga dos orzamentos xerais da Comunidade Autónoma de Galicia do ano 2001 para o ano 2002, por Decreto 401/2001, do 28 de decembro (DOG do 31 de decembro de 2001); decreto que foi desenvolvido pola Orde do 29 de decembro de 2001 (DOG do 31 de decembro), segundo a cal a devandita prórroga alcanza só a metade do orzamento.
Polo que non habendo crédito pola totalidade do importe orzado, e unha vez aprobados os orzamentos xerais da Comunidade Autónoma de Galicia para o ano 2002, por Lei 2/2002, do 29 de abril, de orzamentos xerais da Comunidade Autónoma de Galicia para o ano 2002, procede modifica-las ordes de referencia.
Para tal fin,
DISPOÑO:
Artigo 1º
Modifícase o artigo 2 da Orde do 11 de decembro de 2001, pola que se convocan subvencións ás enti
dades de promoción do Camiño de Santiago para o ano 2002 (DOG do 20 de decembro de 2001), que queda redactado do seguinte xeito: «O importe total do crédito destinado para esta convocatoria é de cento oitenta mil trescentos tres con sesenta e dous euros, e farase con cargo á aplicación orzamentaria 10.01.353-D.480.0 dos orzamentos xerais da Comunidade Autónoma de Galicia para o ano 2002».
Artigo 2º
Modifícase o artigo 2 da Orde do 11 de decembro de 2001, pola que se convocan subvencións ás empresas privadas que realicen actividades de promoción e difusión dos camiños de Santiago no ano 2002 (DOG do 24 de decembro de 2001) que queda redactado do seguinte xeito: «O importe total do crédito destinado para esta convocatoria é de cento oitenta mil trescentos tres con sesenta e dous euros, e farase con cargo á aplicación orzamentaria 10.01.353.D.470.0, dos orzamentos xerais da Comunidade Autónoma de Galicia para o ano 2002».
Disposición derradeira
Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 14 de maio de 2002.
Jesús Pérez Varela
Conselleiro de Cultura, Comunicación Social
e Turismo