Por resolución da Alcaldía, con data do doce dos correntes, dispúxose:

Primeiro.-Aprobar inicialmente o Plan Especial de Infraestructuras correspondente á modificación puntual do PXOU en Budiño.

Segundo.-Someter a información pública polo prazo dun mes o dito plan especial mediante anuncios que deberán publicarse no Diario Oficial de Galicia, no BOP e nun diario dos de maior circulación nesta.

Terceiro.-Suspende-lo procedemento de outorgamento de licencias no ámbito do plan especial, de conformidade co disposto no punto 2º do artigo 34 da Lei do solo de Galicia.

O dito plan especial co seu expediente queda de manifesto durante o prazo dun mes, contado a partir do día da publicación do último dos anuncios a que se refire o punto segundo, nas dependencias municipais de Urbanismo (Secretaría) sitas na Casa do Concello do Porriño, r/ Antonio Palacios nº 1. Durante o referido prazo as persoas interesadas poderán examina-lo seu contido e presenta-las alegacións que estimen convenientes.

O Porriño, 15 de abril de 2002.

O alcalde

Rubricado