Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño: en autos seguidos perante este Xulgado do Social, tramitados baixo o número 840/2001 por instancia de Joaquín Buján Gato contra a empresa Servicios A.J.J.E. Coruña, S.L. e Fogasa sobre salarios, dictouse a seguinte sentencia:
Na Coruña, 12 de abril de 2002.
Jorge Hay Alba, maxistrado-xuíz do social número dous desta cidade, viu os presentes autos de xuízo número 840/2001, seguidos por instancia de Joaquín Buján Gato, maior de idade, asistido polo letrado José Nogueira Esmorís, contra a empresa Servicios A.J.J.E. Coruña, S.L., que non compareceu en autos; interveu o Fogasa, representado e asistido polo letrado Javier Morado Díaz, sendo o obxecto da reclamación, salarios.
Seguen feitos e fundamentos de dereito.
Decido que estimando a demanda interposta por Joaquín Buján Gato, intervindo o Fogasa, contra a empresa Servicios A.J.J.E. Coruña, S.L., condeno a empresa demandada a aboar ó demandante a cantidade de 2.634,30 euros polos conceptos reclamados na demanda.
Notifíqueselles esta resolución ás partes, ás que se lles fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, e no propio termo, se o recorrente non goza do beneficio da xustiza gratuíta deberá, ó anuncialo, entrega-lo xustificante acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade, co número de conta 5603 clave 60, facendo constar no ingreso o número do expediente.
E así mesmo deberá, no momento de interpo-lo recurso, consigna-la cantidade de 150,25 euros en concepto de depósito, na clave 65 da citada conta e expediente.
Así, por esta miña sentencia definitivamente xulgando en primeira instancia pronúncioo, mándoo e asínoo.
E para que sirva de notificación á empresa Servicios A.J.J.E. Coruña, S.L. mediante a súa publicación no Diario Oficial de Galicia, que ten o seu enderezo descoñecido, expido e asino esta cédula na Coruña o 12 de abril de 2002.
O secretario xudicial
Rubricado