Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: Electra do Foxo, S.L.

Domicilio social: Torelo-Vimianzo.

Denominación: C.T. e R.B.T. Pazos-Saconde.

Situación: Zas.

Características técnicas: C.T. tipo intemperie de 100 kVA a 20.000 ±2,5-5%/398-230 voltios e reforma da súa rede de baixa tensión nunha lonxitude de 944 m en conductor R.Z. Concello de Zas.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 29 de outubro de 2001.

Jesús Espada Martínez

Delegado provincial da Coruña