No BOP de Ourense do día da data publícase anuncio para a provisión dunha (1) praza de encargado de desenvolvemento de aplicacións informáticas, asimilada ó grupo C, nivel 21. Concurso oposición libre, con esixencia do título de bacharelato superior ou equivalente, no cadro laboral fixo de postos de traballo, correspondente á oferta de emprego público de 2001 e rexerán as mesmas bases publicadas no BOP do día 15 de outubro de 2001, coas modificacións que constan neste anuncio, relativas á titulación esixida.

As solicitudes presentaranse no rexistro xeral da deputación durante o prazo dos 20 días naturais seguintes ó da publicación do pertinente anuncio no BOE. Así mesmo, poderán presentarse na forma que determina o artigo 38.4º da Lei 30/1992. Á solicitude deben unírselle os xustificantes dos méritos que se aleguen.

No mesmo prazo xustificarase o aboamento dos dereitos de exame por importe de 7,51 euros.

A deputación facilitará copia das bases e modelo oficial de solicitudes, nas oficinas do rexistro xeral; rúa Progreso, 32 (Ourense), ou solicitándoo ó teléfono 988 38 51 00 ou ó fax 988 38 51 84.

Os sucesivos anuncios relativos a esta convocatoria publicaranse exclusivamente no taboleiro provincial de edictos en todo caso e no BOP de Ourense cando proceda, de conformidade coas bases das probas selectivas.

O que se publica de conformidade co disposto no artigo 233.3º da Lei 7/1995, de Administración local de Galicia.

Ourense, 7 de maio de 2002.

O presidente

Rubricado