O artigo 5.2º da Lei 5/1998, do 18 de decembro, de cooperativas de Galicia, establece a obrigatoriedade da publicación, no Diario Oficial de Galicia, do acordo de variación da cifra de capital social mínimo adoptado polas cooperativas. Na súa virtude,
RESOLVO:
Dispoñe-la publicación, no Diario Oficial de Galicia, da diminución da cifra do capital social mínimo da entidade Confecciones Priorada, S. Coop. Galega, acordada por unanimidade na asemblea xeral celebrada o día 8-10-2001.
Na devandita asemblea acordouse fixa-lo capital social mínimo en 5.709,61 euros, antes establecido en 13.823,28 euros, quedando deste xeito reducido o seu importe.
A Coruña, 10 de abril de 2002.
Reyes Carabel Pedreira
Delegada provincial da Coruña