De conformidade co disposto polo artigo 59.4º da Lei 30/1992, do 26 do novembro, modificada pola Lei 4/1999, de réxime xurídico das administracións públicas e do procedemento administrativo común, intentada a notificación persoal no último domicilio coñecido do interesado sen que ésta se puidese practicar, notifícaselle á empresa co último domicilo coñecido que se relaciona no anexo, mediante a publicación no Diario Oficial de Galicia e no taboleiro de edictos do Concello de Vilagarcía de Arousa, a resolución dictada polo presidente de Portos de Galicia relativa á concesión administrativa outor
gada a Salustiano Vidal Cabanillas con destino á construcción de instalación de subministración de combustible de carburantes líquidos no porto de Portonovo, e que literalmente di:
«Por Resolución desta Presidencia do 11 de xullo de 2000 declarouse a caducidade da concesión administrativa outorgada a Salustiano Vidal Cabanillas por Resolución do 9-12-1997 na zona de servicio do porto de Portonovo, con destino á construcción dunha unidade de subministración de combustible ás embarcacións, coa conseguinte extinción do título concesional e perda da condición de concesionario, cesando tódolos dereitos e obrigas derivados do título.
Dado que a declaración de caducidade supón, de acordo co artigo 80.2º da Lei 22/1988, do 28 de xullo, de costas, e demais normativa concordante, a perda das fianzas constituídas, co número de rexistros 1575/1996 e 119/1998, sendo os importes respectivos de 253.585 pesetas e de 381.000 pesetas.
Esta presidencia, en virtude da delegación conferida por orde da CPTOPV, do 29 de xaneiro de 1996, artigo primeiro,
RESOLVE:
Autoriza-lo inicio do procedemento para a incautación das referidas fianzas.
Contra esta resolución, que pon fin á vía administrativa, poderase interpor recurso contencioso-administrativo ante, á escolla do interesado, o Xulgado do Contencioso-Administrativo da Coruña ou ante o xulgado do contencioso-administrativo competente na circunscrición onde teña aquel o seu domicilio, no prazo de dous (2) meses contados desde o día seguinte ó da notificación desta resolución.
Non obstante, o interesado poderá optar por interpor contra esta resolución recurso de reposición, no prazo dun (1) mes contado a partir do día seguinte ó da súa notificación, perante o mesmo órgano que a dictou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Notifíquese ós interesados».
Para que conste e sirva de notificación, en cumprimento do disposto no artigo 59.4º da Lei 30/1992, do 26 do novembro, modificada pola Lei 4/1999, de réxime xurídico das administracións públicas e do procedemento administrativo común, expido, asino e selo a presente cédula.
Santiago de Compostela, 29 de abril de 2002.
Ana Isabel Calzadilla Bouzón
Xefa da Área de Explotación e Planificación
ANEXO
Interesado: Salustiano Vidal Cabanillas.
Último enderezo coñecido: r/ Doutor Tourón, 1-2º. 36600-Vilagarcía de Arousa (Pontevedra).
Intento de notificación: 11-4-2002.