Cumpridos os trámites previstos na Lei 62/1997, do 26 de decembro, de modificación da Lei 27/1992, do 24 de novembro, de Portos do Estado e da Mariña Mercante, na Lei 22/1998, de costas, no seu Regulamento, aprobado por Real decreto 1471/1989, do 1 de decembro, e nas demais normas de procedente aplicación; acordouse en virtude das atribucións delegadas por orde do conselleiro de Política Territorial, Obras Públicas e Vivenda do 29 de xaneiro de 1996, outorgar por resolucións que poñen fin á vía administrativa, as seguintes concesións en dominio público portuario, con suxeición ás condicións estipuladas nos pregos de condicións correspondentes.
Resolución: 21-11-2001.
Obxecto: construcción de nave para almacén de embarcacións para deportes de remo.
Porto: Cabo de Cruz.
Adxudicatario: Club de Remo de Cabo de Cruz.
Prazo: 15 anos.
Resolución: 28-11-2001.
Obxecto: ocupación e utilización das instalacións da fábrica de xeo para a prestación do servicio de subministración de xeo.
Porto: Tragove.
Adxudicatario: Confraría de Pescadores San Antonio de Cambados.
Prazo: 5 anos.
Resolución: 7-3-2002.
Obxecto: ocupación dunha superficie para a instalación dunha liña eléctrica de media tensión en canalización propiedade de Portos de Galicia para o subministración da nova lonxa.
Porto: Burela.
Adxudicatario: Barras Eléctricas Galaico-Asturianas, S.A.
Prazo: 5 anos.
Contra os citados actos administrativos que esgotan a vía administrativa, cabe interpor recurso contencioso-administrativo ante o Xulgado do Contencioso-Administrativo de Santiago de Compostela no prazo de dous (2) meses contados a partir do día seguinte ó da publicación da resolución facendo público o outorgamento.
Non obstante, os interesados poderán optar por interpor contra esta resolución recurso de reposición, no prazo dun (1) mes contado a partir do día seguinte ó desta publicación, perante o mesmo órgano que a dictou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Santiago de Compostela, 25 de abril de 2002.
Emilio García Gallego
Presidente do ente publico Portos de Galicia
