O presidente de Portos de Galicia acordou, por Resolución do 11 de marzo de 2002, en virtude das competencias que lle confire o artigo 6.3º da Lei 5/1994, do 29 de novembro, de creación do ente público Portos de Galicia, a adxudicación da contratación por procedemento negociado e tramitación ordinaria para o outorgamento de xestión de servicio público na modalidade de concesión de explotación das instalacións para a náutica recreativa no porto de Ortigueira, autorizando o inicio da tramitación correspondente de acordo co previsto na lexislación vixente en materia de concesións no dominio público portuario dependente de Portos de Galicia.
1. Entidade adxudicadora.
a) Organismo: ente público Portos de Galicia.
b) Dependencia que tramita o expediente: servicios centrais.
c) Número de expediente: clave: 12-02-01-C1.
2. Obxecto do procedemento negociado.
a) Descrición do proxecto: o obxecto do procedemento negociado é o outorgamento da concesión de explotación das instalacións náutico-recreativas no porto de Ortigueira.
b) Lugar da concesión: porto de Ortigueira. Concello de Ortigueira (A Coruña).
c) Prazo da concesión: cinco (5) anos.
3. Tramitación, procedemento e forma de adxudicación.
a) Tramitación: ordinaria.
b) Procedemento: negociado.
c) Forma: sen publicidade.
4. Canon de explotación: o especificado no prego de bases.
5. Garantías.
Definitiva: 3.005,06 A.
6. Obtención de documentación e información.
a) Entidade: ente público Portos de Galicia.
b) Domicilio: praza de Europa, 5A-6ª, Polígono das Fontiñas (Área Central).
c) Localidade e código postal: Santiago de Compostela, 15007.
d) Teléfono: 981 54 45 02.
e) Fax: 981 54 53 24.
7. Adxudicación.
a) Data: 11 de marzo de 2002.
b) Adxudicatario: Club Náutico Ortigueira.
c) Nacionalidade: española.
Contra esta resolución, que pon fin á vía administrativa, poderase interpor recurso contencioso-administrativo ante o Xulgado do Contencioso-Administrativo de Santiago de Compostela no prazo de dous (2) meses contados desde o día seguinte ó da notificación desta resolución.
Non obstante, o interesado poderá optar por interpor contra esta resolución recurso de reposición, no prazo dun (1) mes contado a partir do día seguinte ó da súa notificación, ante o mesmo órgano que a dictou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Santiago de Compostela, 11 de marzo de 2002.
Emilio García Gallego
Presidente do ente público Portos de Galicia